ସମ୍ବଲପୁର: ସମ୍ବଲପୁର ସହରର କେନ୍ଦ୍ରରେ ଲକ୍ଷ୍ମୀ ଟକିଜ ଛକ ନିକଟରେ ଅବସ୍ଥିତ ପୁରୁଣା ସରକାରୀ ବସଷ୍ଟାଣ୍ଡ ଅଞ୍ଚଳରେ ବିପର୍ଯ୍ୟସ୍ତ ପରିମଳ ବ୍ୟବସ୍ଥାକୁ ସୁଧାର କରିବାକୁ ଜିଲା ପ୍ରଶାସନ ନିକଟରେ ଦାବି କରାଯାଇଛି। ଏହି ମର୍ମରେ ସରକାରୀ ପୁରଣା ବସଷ୍ଟାଣ୍ଡ ବ୍ୟବସାୟୀ ସଂଘର ସଭାପତି ମୋହନ ସାହା ଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳ ବସଷ୍ଟାଣ୍ଡ ଅଞ୍ଚଳର ବିପର୍ଯ୍ୟସ୍ତ ହୋଇ ପଡ଼ିଥିବା ପରିମଳ ବ୍ୟବସ୍ଥାରେ ସୁଧାର ଆଣିବାକୁ ଦାବି କରିଛି। କିଛି ବର୍ଷ ହେବ ଅଞ୍ଚଳରେ ସଫେଇ କାର୍ଯ୍ୟ କରାଯାଉ ନ ଥିବା ବେଳେ ନାଳ ଗୁଡିକ ପୋତି ହୋଇ ସାରିଛି। କେବେ କେମିତି ନାଳ ଗୁଡିକ ସଫେଇ କରିବା ପାଇଁ ମାଟି ଉଠା ଯାଉଥିବା ବେଳେ ସେଗୁଡିକୁ ଅନ୍ୟତ୍ର ନିଆ ନ ଯାଇ ସେହି କଡରେ ରଖି ଦିଆଯାଉଥିବାରୁ ପୁର୍ନବାର ଉକ୍ତ ମାଟି ଗୁଡିକ କିଛି ଦିନ ମଧ୍ୟରେ ନାଳକୁ ପ୍ରବେଶ କରି ଯଥା ପୁର୍ବଂ ତଥା ପରଂ ଅବସ୍ଥା ସୃଷ୍ଟି କରୁଛି। ଏଥି ସହ ଅଞ୍ଚଳରେ ଆବର୍ଜନା ଗୁଡିକ ପଡ଼ି ରହୁଥିବା ବେଳେ ସେ ଗୁଡିକୁ ସଫେଇ କରାଯାଉ ନ ଥିବାରୁ ଦୁର୍ଗନ୍ଧମୟ ପରିବେଶ ମଧ୍ୟରେ ଲୋକେ ରହିବାକୁ ବାଧ୍ୟ ହେଉଛନ୍ତି। ଏଣୁ ତୁରନ୍ତ ଏହି ସମସ୍ୟାର ସମାଧାନ କରାଯାଉ ବୋଲି ସଂଘ ଅତିରିକ୍ତ ଜିଲାପାଳ ଅଜାମ୍ବର ମହାନ୍ତିଙ୍କ ସହିତ ଆଲୋଚନା କରି ଦାବି କରିଛନ୍ତି।
Popular Categories
Previous article
Next article