ସମ୍ବଲପୁର: ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳ ପ୍ରବନ୍ଧକଙ୍କ କାର୍ଯ୍ୟାଳୟରେ ଶନିବାର ମାନସିକ ଚାପ ଓ ପ୍ରସନ୍ନ ରହିବାର କଳା ବିଷୟରେ ଏକ ସେମିନାର ଆୟୋଜିତ ହୋଇଯାଇଛି। ରେଳବାଇ ଅଧିକାରୀ ଓ କର୍ମଚାରୀ ମାନଙ୍କ ପାଇଁ ଏହି ବିଷୟବସ୍ତୁ ଉପରେ ଆୟୋଜିତ ସେମିନାରରେ ମଣ୍ଡଳ ପ୍ରବନ୍ଧକ ବିନୀତ ସିଂ ମୁଖ୍ୟ ଅତିଥି ଓ ବ୍ରହ୍ମକୁମାରୀ ସମ୍ବଲପୁରର ଇ. ଭି. ଗିରୀଶ ଓ ଭଉଣୀ ଦୀପା ବକ୍ତା ରୂପେ ଯୋଗ ଦେଇଥିଲେ। ଏଭଳି ସେମିନାର ମାଧ୍ୟମରେ ମାନସିକ ଚାପ ପରିଚାଳନାର କଳା ଶିଖିବା ପାଇଁ ଅବସର ମିଳିବ ବୋଲି ମୁଖ୍ୟ ଅତିଥି ଶ୍ରୀ ସିଂ କହିଥିଲେ। ଅଧିକାରୀ ଓ କର୍ମଚାରୀ ମାନଙ୍କୁ ମାନସିକ ଚାପ ପରିଚାଳନାର ବିଭିନ୍ନ କୌଶଳ ବିଷୟରେ ଇ. ଭି. ଗିରୀଶ ଓ ଭଉଣୀ ଦୀପା ଆଲୋକପାତ କରିଥିଲେ। ଚାପ ମୁକ୍ତ ଜୀବନଯାପନ କରିବାର ବିଭିନ୍ନ ଉପକାରିତା ଉପରେ ଗୁରୁତ୍ୱାରୋପ କରିଥିଲେ। ଏହି ଅବସରରେ ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ ଆନନ୍ଦ ସିଂ, ଅନ୍ୟ ଅଧିକାରୀ ଓ କର୍ମଚାରୀ ମାନେ ସାମିଲ ହୋଇଥିଲେ।
Comments are closed.