ସମ୍ବଲପୁର: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସଂସଦରୁ ସଦସ୍ୟତା ରଦ୍ଦ କରାଯାଇଥିବା ଘଟଣାରେ ସମ୍ବଲପୁର ଜିଲା କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଜିଲା କାର୍ଯ୍ୟାଳୟରୁ ଏକ ରାଲି ବାହାରି ଗୋଲବଜାର ଛକ ପର୍ଯ୍ୟନ୍ତ ଜିଲା ସଭାପତି ଅଶ୍ୱିନୀ ଗୁୁରୁଙ୍କ ନେତୃତ୍ୱରେ ଯାଇଥିଲା। ସେଠାରେ ରାହୁଲ ଗାନ୍ଧୀ ଘଟଣାରେ କେନ୍ଦ୍ର ସରକାରଙ୍କ ଅଗଣତାନ୍ତ୍ରିକ ଓ ଅସାମ୍ବଧାନିକ କାର୍ଯ୍ୟ କରିଛନ୍ତି ବୋଲି ବକ୍ତା ମାନେ କହିଥିଲେ। ଏହାର ଦୃଢ଼ ପ୍ରତିବାଦ ଆଗାମୀ ଦିନରେ କଂଗ୍ରେସ ତରଫରୁ କରାଯିବ ବୋଲି କଡା ଚେତାବନୀ ଦିଆଯାଇଛି। କାର୍ଯ୍ୟକ୍ରମରେ ନିରଞ୍ଜନ ତ୍ରିପାଠୀ, ପ୍ରେମ ପ୍ରକାଶ ସାହାଣୀ, ସୁତାପା ମିତ୍ର, ବିଜୟ ଲକ୍ଷ୍ମୀ ବେହେରା, ରଘୁମଣି ବାଗ, ରବି ରାଉତ, ଶିବବ୍ରତ ପ୍ରଧାନ, ମହମ୍ମଦ ମୁକ୍ତାର, ଅକବର ଚୌଧୁରୀ, ମହମ୍ମଦ ସଲିମ, ସଞ୍ଜିବ ଗର୍ଡ଼ିଆ, ଲକ୍ଷ୍ମୀ ଯାଦବ, ଗୀତା ଦୁବେ, ରଞ୍ଜିତା ମିଶ୍ର, ରାଜେଶ ମିଶ୍ର, ଜୟରାମ ବନିଆଁ, ଶ୍ରବଣ ମେହେର, ଜିତେନ ମହାନନ୍ଦ, ମୀନାକ୍ଷୀ ରାଉତ, ସୁଶ୍ମିତା ପଟ୍ଟନାୟକ, ଯଶବୀର ସିଂ, ସବିତା ହସ୍ତି ପ୍ରମୁଖ ଉପସ୍ଥିତ ରହିଥିଲେ।
Comments are closed.