ନବରଙ୍ଗପୁର: ରାଜ୍ୟସରକାର ଙ୍କର ୫ଟି ସଚିବ ଭି.କେ.ପାଣ୍ଡିଆନଙ୍କର ନବରଙ୍ଗପୁର ଜିଲା ଗସ୍ତର ଦ୍ଵିତୀୟ ଦିବସରେ ଶନିବାର ଦିନ ପ୍ରଥମେ ନବରଙ୍ଗପୁର ବ୍ଲକ ଅଂଚଳର ମାଣ୍ଡାଡଙ୍ଗରୀରେ ଥିବା ପ୍ରସିଦ୍ଧ ଝାଡ଼େଶ୍ବର ଶୈବପୀଠକୁ ଯାଇ ପୂଜା ଅର୍ଚ୍ଚନା କରିଥିଲେ। ଏହି ଶୈବପୀଠ ଠାରେ ବାସି ଶିବରାତ୍ରୀ ବେଶ ଲୋକପ୍ରିୟ। ଏହି ଶୈବପୀଠ ମନ୍ଦିରର ଉନ୍ନତି ପାଇଁ ପ୍ରତିଶ୍ରୁତି ଦେଇଥିଲେ। ଶ୍ରୀ ପାଣ୍ଡିଆନ ଜିଲ।ପାଳ ଡ଼ଃ. କମଳ ଲୋଚନ ମିଶ୍ରଙ୍କୁ ଆସନ୍ତା ୧୫ଦିନ ମଧ୍ୟରେ ସବିଶେଷ ପ୍ଲାନ ପଠାଇବା ପାଇଁ ନିର୍ଦେଶ ଦେଇଥିଲେ।
ଏହା ପରେ ସେ ପାପଡାହାଣ୍ଡି ବ୍ଲକ ଜଟାବାଲ ଏସଏସଡି ହାଇସ୍କୁଲ ଯାଇ ଛାତ୍ରଛାତ୍ରୀଙ୍କ ସହ ଆଲୋଚନା କରି ସ୍କୁଲର ଭିତ୍ତିଭୂମି ବିକାଶ ନେଇ ପ୍ରତିଶ୍ରୁତି ଦେଇଥିଲେ। ଉମରକୋଟ ଅଭିମୁଖେ ଯାଇ ସେଠାରୁ ଝରୀଗାଁ ବ୍ଲକ ସ୍ଥିତ ବିଡ଼ର୍ରି ଦେବୀ ମନ୍ଦିର, ପୋଡ଼ାଗଡ ଭୈରବ ମନ୍ଦିର ଦର୍ଶନ କରିବା ପରେ ଉମରକୋଟ ଆରଏମସି ପରିସର ମଧ୍ୟରେ ସ୍ୱୟଂ ସହାୟିକା ଦଳ ଗୁଡିକ ସହ ଆଲୋଚନା ପରେ ଝରିଗାଁ ଚଚା ପଞ୍ଚୟତର ସତୀଘାଟ ନଦୀ ନିକଟକୁ ଯାଇ ବହୁ ପ୍ରତୀକ୍ଷିତ ପ୍ରସ୍ତାବିତ ସତିଘାଟ ନଦୀ ଉପରେ ଡ୍ୟାମ ନିର୍ମାଣ ପାଇଁ ସେହି ଅଂଚଳ ପରିଦର୍ଶନ କରିଥିଲେ। ପରେ ଚନ୍ଦାହାଣ୍ଡି ବ୍ଲକର ତେଲନଦୀ ଉପରେ ବହୁ ପ୍ରତୀକ୍ଷିତ ବ୍ୟାରେଜ ନିର୍ମାଣ ଓ ଚୋରେଇ ନଦୀ ଉପରେ ଡ୍ୟାମ ନିର୍ମାଣ ଅଂଚଳ ପରିଦର୍ଶନ କରିଥିଲେ। ଅତିରିକ୍ତ ଜିଲାପାଳ ଭାସ୍କର ରଇତ, ଉପଜିଲାପାଳ ପ୍ରଶାନ୍ତ କୁମାର ରାଉତଙ୍କ ସମେତ ଜିଲ୍ଲାସ୍ଥରୀୟ ଅଧିକାରୀ ମାନେ ଯୋଗ ଦେଇଥିଲେ।
Comments are closed.