ଭୁବନେଶ୍ବର: ଶିକ୍ଷକ ଶିକ୍ଷୟିତ୍ରୀ ପିଲାଙ୍କ ମନରେ ପାଠପଢ଼ାର ଆଗ୍ରହ ସୃଷ୍ଟି କଲେ ପରବର୍ତ୍ତୀ ସମୟରେ ସେମାନେ ପାରଙ୍ଗମ ହେବେ। ତାଙ୍କ ମନରେ ପ୍ରତିଯୋଗିତା ମନୋଭାବ ସୃଷ୍ଟି ଦିଗରେ ଉଦ୍ୟମ ଜାରି ରହୁ ବୋଲି ଅତିଥିମାନେ କହିଛନ୍ତି। ଟଙ୍କପାଣି ରୋଡ଼ସ୍ଥିତ ରାଜାରାଣୀ ଇଂରାଜୀ ମାଧ୍ୟମ ବିଦ୍ୟାଳୟର ବାର୍ଷିକ ଉତ୍ସବ ଠାକୁର ଦାସ ସଭାକକ୍ଷରେ ପରିଚାଳନା ସମିତିର ସଭାପତି ବିମଳା ନନ୍ଦନ ମହାପାତ୍ରଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଯାଇଛି।
ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଶାସନିକ ଅଧିକାରୀ, ସାହିତ୍ୟିକ ରବିନାରାୟଣ ସେନାପତି କହିଲେ ଯେ ଛାତ୍ରଛାତ୍ରୀଙ୍କୁ ଉପଯୁକ୍ତ ମାର୍ଗଦର୍ଶନ ଜରୁରୀ। ଅନୁଷ୍ଠାନର ପ୍ରତିଷ୍ଠାତା ସମ୍ପାଦକ ଅନନ୍ତ ପ୍ରସାଦ ଜେନା ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ପରିଚାଳନା ସମିତିର ସଭ୍ୟ ବିଧାନ ପଟ୍ଟନାୟକ, ନୃସିଂହ ପ୍ରସାଦ ତ୍ରିପାଠୀ, ନିମାଇଁ ଚରଣ ରାଉତ ଯୋଗ ଦେଇଥିଲେ। ଅଧ୍ୟକ୍ଷା ଶୁଭ୍ରା ରାଉତ ଧନ୍ୟବାଦ ଅର୍ପଣ କରିଥିଲେ। ଶେଷରେ ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ନିର୍ଦେଶକ ଶୁଭଦା ପଟ୍ଟନାୟକ, ଶିକ୍ଷୟିତ୍ରୀ ରୁନା ଦାସ, ଗୋଲାପ ବରାଳ, ସଂଗ୍ରାମ ପରିଡ଼ା ସହାୟତା କରିଥିଲେ। କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା।
Comments are closed.