ସମ୍ବଲପୁର: ରାଜ୍ୟର କେତେକ ଡ୍ରାଇଭର ଏସୋସିଏସନ ତରଫରୁ ସାରା ରାଜ୍ୟରେ ଚକାଜାମ ଆନ୍ଦୋଳନ ୧୫ ତାରିଖରୁ ଆହ୍ୱାନ କରିଛନ୍ତି। ଏହାକୁ ଦୃଷ୍ଟିରେ ରଖି ସମ୍ବଲପୁର ପୁଲିସ ପକ୍ଷରୁ ମାଟ୍ରିକ ପରୀକ୍ଷାକୁ ଧ୍ୟାନରେ ରଖି ସମସ୍ତ ଡ୍ରାଇଭର ଏସୋସିଏସନକୁ ରାସ୍ତା ରୋକେ ନ କରିବାକୁ ନିବେଦନ କରାଯାଇଛି। ମଙ୍ଗଳବାର ସମ୍ବଲପୁର ପୁଲିସ ପକ୍ଷରୁ ଜାରି ସୂଚନା ଅନୁଯାୟୀ, ଜିଲାରେ ମାଟ୍ରିକ ପରୀକ୍ଷା ଓ ଅନ୍ୟାନ୍ୟ ପରୀକ୍ଷା ଦେଉଥିବା ଛାତ୍ରଛାତ୍ରୀ ମାନଙ୍କର ଗତିବିଧି କୁ ରାସ୍ତାରୋକ ଦ୍ୱାରା ବଡ ପ୍ରତିବନ୍ଧକ ହୋଇ ପାରେ। ଯାହାଦ୍ୱାରା ଛାତ୍ରଛାତ୍ରୀ ମାନେ ପରୀକ୍ଷା ଦେଇ ନ ପାରିଲେ ସେମାନଙ୍କର ସମଗ୍ର ଶିକ୍ଷାବର୍ଷ ଅପଚୟ ହେବା ସହିତ ଭବିଷ୍ୟତ ଉପରେ ପ୍ରତିକୂଳ ପ୍ରଭାବ ପକାଇବ। ଏଣୁ ବସ, ଅଟୋ, ହାଲୁକା ମୋଟର ଯାନ, ମୋଟର ସାଇକେଲ, ପରିବହନ ଯାନ ସମେତ ଯାନବାହନ ଚଳାଚଳରେ ବାଧା ନ ଦେବାକୁ ସଂଘ ମାନଙ୍କୁ ପୁଲିସ ପକ୍ଷରୁ ଅନୁରୋଧ କରାଯାଇଛି। ଏଥି ସହ ଜିଲାର ସମସ୍ତ ଥାନାଧିକାରୀ ଓ ପୁଲିସ ଅଧିକାରୀ ମାନଙ୍କୁ ଯାତାୟାତର ପ୍ରବାହକୁ ନିଶ୍ଚିତ କରିବା ନିମନ୍ତେ ଆବଶ୍ୟକୀୟ ନିର୍ଦ୍ଦେଶ ଦିଆଯାଇଛି। ଟ୍ରାଫିକକୁ ମୁକ୍ତ ପ୍ରବାହ ନିମନ୍ତେ ଉପଯୁକ୍ତ ଓ ପ୍ରଭାବଶାଳୀ ଆଇନଗତ କାର୍ଯ୍ୟାନୁଷ୍ଠାନ ମଧ୍ୟ ଆବଶ୍ୟକସ୍ଥଳରେ ଗ୍ରହଣ କରାଯିବ। ଏଣୁ ଡ୍ରାଇଭର ସଂଘ ମାନେ ନିଜର ଗଣତାନ୍ତ୍ରିକ ଅଧିକାରକୁ ବ୍ୟବହାର କରିବା ପାଇଁ ଶାନ୍ତିପୂର୍ଣ୍ଣ ଭାବରେ ବିରୋଧ ପ୍ରଦର୍ଶନ କରିବାକୁ ପୁଲିସ ପକ୍ଷରୁ ଅନୁରୋଧ କରାଯାଇଛି।
Popular Categories
Previous article
Next article