କଂଟାବାଂଜି: ଆନ୍ତର୍ଜାତିକ ମହିଳା ଦିବସ ଅବସରେ, କଂଟାବାଂଜି ସିଭିଲ କୋର୍ଟ ପରିସରରେ ଶୁକ୍ରବାର ଦିନ ଆର୍ନ୍ତଜାତୀୟ ମହିଳା ଦିବସ ପାଳିତ ହୋଇଯାଇଛି। କଂଟାବାଂଜି ତାଲୁକ ଆଇନ ପ୍ରାଧିକରଣ କମିଟି ଆନୁକୂଲ୍ୟରେ ଅନୁଷ୍ଠିତ ମହିଳା ଦିବସ ପାଳନ ଅବସରରେ ସହରର ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ, ମିଶନ ଶକ୍ତିର ମହିଳାମାନେ ଉପସ୍ଥିତ ହୋଇଥିଲେ। ଆର୍ନ୍ତଜାତୀୟ ମହିଳା ଦିବସ ପାଳନ ଅବସରରେ ଭାରତୀୟ ସମ୍ବିଧାନରେ ମହିଳାମାନଙ୍କ ପାଇଁ ଥିବା ବିଭିନ୍ନ ଆଇନ ଦିଗ ଉପରେ ସଚେତନ କରାଯାଇଥିଲା । ଏହି ସଚେତନତା ସଭାରେ କଂଟାବାଂଜି ତାଲୁକ ଆଇନ ପ୍ରାଧିକରଣର ଅଧ୍ୟକ୍ଷ ତଥା ସବ୍ ଜଜ୍ ପରିତୋଷ ସେଠି, ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଶାସ୍ୱତୀ ମହାପାତ୍ର ମହିଳାମାନଙ୍କୁ ଦିଆଯାଉଥିବା ଆଇନ ଉପରେ ଆଲୋକପାତ କରିଥିଲେ। ସଚେତନତା ସଭାରେ ବରିଷ୍ଠ ଆଇନଜୀବୀ ମୋହନଲାଲ ଶର୍ମା, ବିଷ୍ଣୁପ୍ରସାଦ ଶର୍ମା, ଅଶୋକ କୁମାର ଦାସ, ସତ୍ୟନାରାୟଣ ରାଏ ମହିଳାମାନଙ୍କ ଯୌତୁକଜନିତ ନିର୍ୟ୍ୟାତନା, ଭରଣ ପୋଷଣ ଆଇନ, ପାରିବାରିକ କଳହ, ସ୍ୱାମୀ ସ୍ତ୍ରୀ ବିଭେଦ ଆଇନ ସହ ମହିଳାମାନଙ୍କ ହକ୍ ଅଧିକାର ଉପରେ ସୂଚନା ଦେଇଥିଲେ। ସେହିପରି ପାରା ଲିଗାଲ ସ୍ବେଛାସେବୀ ସଂଜୟ କୁମାର ମିଶ୍ର, କାହ୍ନୁ ଚରଣ ମିଶ୍ର ମଧ୍ୟ ମହିଳାମାନଙ୍କ ଆଇନ ଅଧିକାର ଉପରେ କହିଥିଲେ।
Popular Categories
Previous article
Next article