ସମ୍ବଲପୁର: ସମ୍ବଲପୁରର ଅଭିନବ କୃଷି ଅନୁଷ୍ଠାନ ପକ୍ଷରୁ ସ୍ଥାନୀୟ ରାମଚଣ୍ଡୀ ସେବା ସଦନ ଠାରେ ‘ବିଷମୁକ୍ତ ଖାଦ୍ୟ ଓ ରୋଗ ମୁକ୍ତ ଶରୀର’ ଉପରେ ଏକଦିବସୀୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ଡ. ଗୌରୀ ଦାସ ପ୍ରଧାନଙ୍କ ସଂଯୋଜନାରେ ଆୟୋଜିତ ଏହି ଆଲୋଚନା ଚକ୍ରରେ ଚାଷୀ, ଡାକ୍ତର, ଶିକ୍ଷାବିତ ଓ ବୁଦ୍ଧିଜୀବୀ ମାନେ ଯୋଗ ଦେଇଥିଲେ। ବିଷ ମୁକ୍ତ ଖାଦ୍ୟ ସର୍ମ୍ପକରେ ମତାମତ ପୋଷଣ କରି ବିଶିଷ୍ଟ ଚାଷୀ ସୁଦାମ ସାହୁ ପ୍ରକୃତି ପ୍ରଦତ୍ତ ବିହନ, ଶସ୍ୟ ଉପରେ ଗୁରୁତ୍ୱାରୋପ କରିଥିଲେ। ଡା. ରାମ ଚରଣ ପ୍ରଧାନ ରୋଗ ମୁକ୍ତ ଶରୀର ଉପରେ ବିସ୍ତୁତ ଆଲୋଚନା କରିଥିଲେ। ବିଶ୍ୱଜିତ ପ୍ରଧାନ, ଡ. ଦିବେନ୍ଦୁ ସାହୁ, ସୁକାନ୍ତି ପ୍ରଧାନ, ଲକ୍ଷ୍ମନ ଖମାରୀ, ରଞ୍ଜନୀ ପ୍ରଧାନ, ଶଙ୍କର କୁମାର ପାତ୍ରଙ୍କ ସମେତ ବକ୍ତା ମାନେ ନିଜସ୍ୱ ସୁଚିନ୍ତିତ ମତାମତ ପୋଷଣ କରିଥିଲେ। ଆର୍ନ୍ତଜାତୀୟ ମହିଳା ଦିବସ ଉପଲକ୍ଷେ ସଫଳ ମହିଳା ଚାଷୀ ଶଙ୍କଜିନୀ ପ୍ରଧାନଙ୍କୁ ମାନପତ୍ର ସହିତ ଉତ୍ତରୀୟ ପ୍ରଦାନ କରି ଅଭିନବ କୃଷି ଅନୁଷ୍ଠାନର ସୁପ୍ରଭା ପ୍ରଧାନ ସମ୍ବର୍ଦ୍ଧିତ କରିଥିଲେ। କାର୍ୟ୍ୟକ୍ରମର ପ୍ରାରମ୍ଭରେ ଜଟା ଭୂଷଣ ସାହୁ ଆଲୋଚନା ଚକ୍ରର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଶେଷରେ ସରୋଜ ସାହୁ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article