ଫୁଲବାଣୀ: କେନ୍ଦ୍ର ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରାଳୟ ଭାରତ ସରକାର ଶାଖା ମାଇ ଭାରତ ଫୁଲବାଣୀ ତରଫରୁ କେ ବି ହିଷ୍ଟ କଲେଜରେ ବିଶ୍ଵ ଯୁବ ଦକ୍ଷତା ଦିବସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବରେ ଅଧକ୍ଷ ଅନିଲ କୁମାର ଚୌଧୁରୀ, ସମ୍ମାନୀତ ଅତିଥି ଭାବରେ ଶିକ୍ଷାବିତ୍ ନବ କିଶୋର ରଥ, ଅଧ୍ୟାପିକା ସୁରଭିବlଲା ପାଣିଗ୍ରାହୀ, ପ୍ରତିମା କୁମାରୀ ପଣ୍ଡା, ଅକ୍ଷୟ କୁମାର୍ ଦାସ, କମଳ ନାଥ ବେହେରା ପ୍ରମୁଖ ଯୋଗ ଦେଇଥିଲେ। ଏହି ଦିବସରେ ଯୁବକ ଓ ଯୁବତୀ ମାନଙ୍କର ମଧ୍ୟରେ କୁଇଜ ପ୍ରତିଯୋଗୀତା ଅନୁଷ୍ଠିତ ହୋଇଥିଲା। ଏଥିରେ ବର୍ଷା ରାଣୀ ପ୍ରଧାନ, ରୋଜି ବାରିକ, ଶ୍ରୀତମ ଦିଗାଲ ପ୍ରମୁଖ ବିଜୟୀ ହୋଇ ଥିଲେ। ପ୍ରତିଯୋଗିତାରେ କୃତି ପ୍ରତିଯୋଗୀ ମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା।ବୈଠକରେ ମାଇ ଭାରତ କନ୍ଧମାଳର ସହ କର୍ମୀ ସତ୍ୟବାନ୍ ଦଳବେହେରା ସ୍ଵାଗତ କରିଥିବା ବେଳେ ଅମ୍ବିକା ପ୍ରାସାଦ ପ୍ରହରାଜ ଧନ୍ୟବାଦ୍ ଅର୍ପଣ କରିଥିଲେ।
ସେହିଭଳି ସରକାରୀ ଆଇ.ଟି.ଆଇ. ଫୁଲବାଣୀରେ ବିଶ୍ୱ ଯୁବ କୌଶଳ ଦିବସ ଉତ୍ସାହପୂର୍ଣ୍ଣ ଭାବେ ପାଳିତ ହୋଇଛି।କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଆଇ.ଏମ.ସି ଚେୟାରମ୍ୟାନ ନୀଳମାଧବ ମିଶ୍ର, ଅଧ୍ୟକ୍ଷ ଇଂ ପ୍ରକାଶ ରଞ୍ଜନ ସୋରେନ ଓ ଜି.ଆଇ. ସତ୍ୟବ୍ରତ ପାଣିଗ୍ରାହୀ କାର୍ଯ୍ୟକ୍ରମରେ ଉପସ୍ଥିତ ଥିଲେ।
