ଆଠଗଡ: ଆଠଗଡ ସହରର ଗଦାସାହି ଉନ୍ନୟନ ପରିଷଦ ଆନୁକୂଲ୍ୟରେ ୭୬ତମ ବନ ମହୋତ୍ସବ ପାଳନ ଓ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ନବଗ୍ରହ ମଣ୍ଡପଠାରେ ସାହିର ଅନ୍ୟତମ ମୁରବି ଆଇନୀଜୀବୀ ଶ୍ୟାମାନନ୍ଦ ମହାରଣାଙ୍କ ସଂଯୋଜନାରେ ଅନୁଷ୍ଠିତ ସଚେତନତା ସଭାରେ ସାହିର ବରିଷ୍ଠ ଉପଦେଷ୍ଟା ଅଦ୍ୱୈତାନନ୍ଦ ରଥ ମୁଖ୍ୟଅତିଥି, ଆଠଗଡ ରେଞ୍ଜର ରବିନ୍ଦ୍ରନାଥ ନାୟକ ଓ ଉଦୟ ଲାବଣ୍ୟ ସମ୍ପାଦକ ଲଲାଟେନ୍ଦୁ ସେନାପତି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ‘ମା ପାଇଁ ଗଛ ଟିଏ’ ବାର୍ତ୍ତାକୁ ସାକାର ଓ ସଫଳ କରିବା ସହିତ ପରିବେଶ ସୁରକ୍ଷା ସମସ୍ତଙ୍କର ପ୍ରାଥମିକ ଦାୟିତ୍ବ ଓ କର୍ତ୍ତବ୍ୟ ହେବା ଆବଶ୍ୟକ ବୋଲି ମତପ୍ରକାଶ କରିଥିଲେ।
କାର୍ଯ୍ୟକ୍ରମରେ ଉନ୍ନୟନ ପରିଷଦ ସମ୍ପାଦକ ହରପ୍ରସାଦ ସେଠି, ପୂର୍ବତନ କାଉନସିଲର ସୋମନାଥ ଭକ୍ତା, ସୁଧାକର ସାହୁ, ସଞ୍ଜୟ ରଥ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ପରେ ଗଦାସାହି ଉନ୍ନୟନ ପରିଷଦ ଚଳିତବର୍ଷ ରୌପ୍ୟ ଜୟନ୍ତୀ ସମାରୋହ ଆସନ୍ତା ନଭେମ୍ବର ମାସ ନ ଓ ଦଶ ତାରିଖ ଦୁଇଦିନ ଧରି ପାଳନ କରିବାକୁ ଯାଉଥିବା ବେଳେ ବନ ମହୋତ୍ସବରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ବୋଲି ଘୋଷଣା କରାଯାଇଥିଲା।
