ଲଡୁଗାଁ: ବର୍ତ୍ତମାନ ସମୟରେ ବୃକ୍ଷର କ୍ଷୟ ସମସ୍ତ ମାନବ ସମାଜ ପାଇଁ ଚିନ୍ତାର କାରଣ ପାଲଟିଥିବା ବେଳେ ସରକାରୀ ଓ ବେସରକାରୀସ୍ତରରେ ଏହି ବୃକ୍ଷ ବୃଦ୍ଧି ପାଇଁ ବିଭିନ୍ନ ସଚେତନତା କାର୍ଯ୍ୟକ୍ରମମାନ କରାଯାଉଛି। ଏଭଳି ସ୍ଥିତିରେ ଜଣେ ବ୍ୟବସୟୀଙ୍କ ବୃକ୍ଷ ପ୍ରୀତି ଏବେ ସାଧାରଣରେ ଚର୍ଚ୍ଚାର ବିଷୟ ପାଲଟିଛି। ବ୍ୟବସାୟୀ ଜଣକ ହେଉଛନ୍ତି କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡୁଗାଁର ସରୋଜ ଚନ୍ଦ୍ର ସାହୁ ।
ବର୍ତ୍ତମାନ ବିଭିନ୍ନ ସ୍ଥାନରେ ବନ ମହୋତ୍ସବ ସପ୍ତାହ ପାଳନ ହେଉଛି। ଏହି ଅବସରରେ ସରୋଜ ପାଖାପାଖି ୭୦ରୁ ଅଧିକ ଚାରଗଛ ଆଣି ମାଗଣାରେ ସମସ୍ତଙ୍କୁ ବାଣ୍ଟୁଛନ୍ତି। କେବଳ ଏତିକି ନୁହେଁ ସେ ୧୦୦୦ରୁ ଉର୍ଦ୍ଧ୍ବ ଗଛ ନିଜ ଜନ୍ମଦିନ ତଥା ଅନ୍ୟମାନଙ୍କ ଜନ୍ମଦିନ ମାନଙ୍କରେ ବୃକ୍ଷ ରୋପଣ ଓ ବଣ୍ଟନ କରି ପାଳନ କରିଥାନ୍ତି। ସମସ୍ତଙ୍କୁ ନିଜ ନିଜ ଜନ୍ମଦିନରେ ବୃକ୍ଷ ରୋପଣ କରି ଅନ୍ୟମାନଙ୍କୁ ଗଛ ବାଣ୍ଟିବା ପାଇଁ ବାର୍ତ୍ତା ଦେଇଥାନ୍ତି। ଏହି ବାର୍ତ୍ତା ଆଗକୁ ପ୍ଲାଣ୍ଟିଙ୍ଗ ଚେନ୍ ତିଆରି ହୋଇ ଏହି ଧରା ପୃଷ୍ଠକୁ ସବୁଜ ବନାନୀରେ ପରିଣତ କରିବା ସହ ପ୍ରାକୃତିକ ବିପର୍ଯ୍ୟୟ ସହ ମୁକାବିଲା କରିବା ପାଇଁ ସହଯୋଗୀ ହେବ। ଚାରା ଗଛଗୁଡିକୁ ମଧ୍ୟ ଲୋକେ ଆଦର ସହକାରେ ଗ୍ରହଣ କରୁଥିବାର ଦେଖିବାକୁ ମିଳିଛି।
