ଆଠଗଡ: ଆଠଗଡ ନଅସାହି ତୈଳିକ ବୈଶ୍ୟ ସମାଜର ୮୨ତମ ବାର୍ଷିକ ସାଧାରଣ ଅଧିବେଶନ କନ୍ତୋଲ ଦକ୍ଷିଣ ଚଣ୍ଡୀ ମନ୍ଦିର ନିକଟସ୍ଥ ଯାତ୍ରା ପଡିଆରେ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ପ୍ରଫେସର ଡ.ରାଜନ ସାହୁ ସ୍ୱଜାତି ପତାକା ଉତ୍ତୋଳନ କରି ଅଧିବେଶନକୁ ଉଦଘାଟନ କରିବା ସହ ଏଥିରେ ପୌରୋହିତ୍ୟ କରିଥିଲେ। ଏଥିରେ ନିଖିଳ ଉତ୍କଳ ବୈଶ୍ୟ ସମାଜର ସଭାପତି ତଥା ଚିଲିକାର ପୂର୍ବତନ ବିଧାୟକ ରଘୁନାଥ ସାହୁ ଓ ଅନ୍ୟ କର୍ମକର୍ତ୍ତା ଅତିଥି ଭାବେ ଯୋଗଦାନ କରି ଉଦବୋଧନ ଦେଇଥିଲେ। ସଭାପତି ଡ.ସାହୁ ଓ ଅନ୍ୟ ଅତିଥିଗଣ ପ୍ରାଚୀନ କାଳରେ ଓଡିଶାର ସାଧବ ପୁଅମାନେ କିପରି ଜଳପଥରେ ନୌଯାତ୍ରା କରି ସୁଦୂର ଜାଭା, ସୁମାତ୍ରା, ବୋର୍ଣ୍ଣିଓ, ବାଲି ଓ ସିଂହଳଦୀପରେ ବାଣିଜ୍ଯ କରି ଧନରତ୍ନ ବୋହି ଆଣୁଥିଲେ ତାର ସ୍ମୃତିଚାରଣ କରିଥିଲେ। ଏଥିସହିତ ସାମାଜିକ ସ୍ତରରେ ବିଭିନ୍ନ ସମସ୍ୟା ତୈଳିକ ବୈଶ୍ୟ ସମାଜ ଦ୍ବାରା କିପରି ଲୋକ ଅଦାଲତ ଶୈଳୀରେ ସମାଧାନ କରିବା ସହ ସ୍ୱଦେଶୀ ବ୍ୟାଙ୍କ ପରି କାର୍ଯ୍ୟ କରିଥାଏ ସେ ବିଷୟରେ ଅତିଥିମାନେ ଆଲୋକପାତ କରିଥିଲେ।
Comments are closed.