ସମ୍ବଲପୁର: ସମ୍ବଲପୁରରୁ କଟକ ଯାଉଥିବା ଜାତୀୟ ରାଜପଥର ସମ୍ପ୍ରସାରଣ ପରେ ସମ୍ବଲପୁର ଉପକଣ୍ଠସ୍ଥ ହାତୀବାରି ଠାରେ ସ୍ଥାପିତ ଟୋଲ ଗେଟରେ ନିଆଯାଉଥିବା ଟୋଲ ଟିକସକୁ ନେଇ ସମ୍ବଲପୁରବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ସମ୍ବଲପୁର ଜନତା ଏହି ଟୋଲ ଟିକସ ଆଦାୟକୁ ବିରୋଧ କରୁଛନ୍ତି। ସମ୍ବଲପୁର ଜିଲାର ଯାନବାହାନ ଗୁଡ଼ିକୁ ଏହି ଟୋଲ ଗେଟରେ ଦେୟ ମୁକ୍ତ କରିବା ପାଇଁ ଶୁକ୍ରବାର ଅଞ୍ଚଳ ସାମାଜିକ ଓ ସାଂସ୍କୃତିକ ବୀ ଅନୁଷ୍ଠାନ ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ଦାବୀ କରାଯାଇଛି। ମଞ୍ଚର ବରିଷ୍ଠ ସଦସ୍ୟ ତଥା ଯୁଯୁମୁରା ଅଞ୍ଚଳର ନେତା ସୂର୍ଯ୍ୟକାନ୍ତ ପାଣିଗ୍ରାହିଙ୍କ ନେତୃତ୍ୱରେ ମଞ୍ଚର ୪ ଜଣିଆ ସଦସ୍ୟଙ୍କ ଏକ ପ୍ରତିନିଧି ଦଳ ସମ୍ବଲପୁର ଜିଲାପାଳ ସିଦ୍ଧେଶ୍ୱର ବଳିରାମ ବୋନ୍ଦରଙ୍କୁ ସାକ୍ଷାତ କରି ୪ ଦଫା ଦାବି ସମ୍ବଳିତ ଦାବିପତ୍ର ପ୍ରଦାନ କରିଛନ୍ତି।
Popular Categories
Previous article
Next article