ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟର ନୂତନ ସମ୍ମିଳନୀ କକ୍ଷରେ ଆଜି ଗଣିତ ବିଭାଗ ପକ୍ଷରୁ ଦୁଇ ଦିନିଆ ଆନ୍ତର୍ଜାତୀୟ ସମ୍ମିଳନୀ ଆରମ୍ଭ ହୋଇଛି। ମୁଖ୍ୟ ଅତିଥି ଭାବେ ଇମ୍ଫାଲ ମଣିପୁର ବିଶ୍ଵବିଦ୍ୟାଳୟର ପ୍ରଫେସର କାଙ୍ଗୁଜମ ପ୍ରିଓ କୁମାର ସିଂ ଯୋଗ ଦେଇ ଶୁଦ୍ଧ ଓ ପ୍ରାୟୋଗିକ ଗଣିତ ଉପରେ ଆଲୋକପାତ କରିଥିଲେ। ବ୍ରହ୍ମପୁର ବିଶ୍ଵବିଦ୍ୟାଳୟ କୁଳପତି ପ୍ରଫେସର ଗୀତାଞ୍ଜଳୀ ଦାଶ ସମ୍ମିଳନୀରେ ଅଧ୍ୟକ୍ଷତା କରିବା ସହ ଗଣିତ ଗୋଟିଏ ଭିନ୍ନ ଭାଷା, ଗଣିତ ଦ୍ୱାରା ବୈଜ୍ଞାନିକ ମାନେ ବିଭିନ୍ନ ଆକଳନ କରି ତଥ୍ୟ ସଂଗ୍ରହ କରିଥାନ୍ତି, ତେଣୁ ଛାତ୍ରଛାତ୍ରୀ ମାନେ ଏହା ଉପରେ ଅଧିକ ଜ୍ଞାନ ଆହାରୋଣ କରିବାକୁ କହିଥିଲେ। ମୁଖ୍ୟବକ୍ତା ଭାବେ ହାଇଦ୍ରାବାଦ ବିଟ୍ସ ପିଲାନିର ପ୍ରଫେସର ବିଭୂଦତ୍ତ ମିଶ୍ର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପିଜି କାଉନସିଲ ଅଧ୍ୟକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀ, ଇଥିଓପିଆ ଆର୍ବା ମିଂଚ ବିଶ୍ଵବିଦ୍ୟାଳୟର ପ୍ରଫେସର ସୁବ୍ରତ କୁମାର ସାହୁ, ବିଭାଗର ଅବସରପ୍ରାପ୍ତ ପ୍ରଫେସର ଉମାକାନ୍ତ ମିଶ୍ର ପ୍ରମୁଖ ଯୋଗ ଦେଇ ଶୀର୍ଷକ ଉପରେ ନିଜ ନିଜ ମତ ପ୍ରକାଶ କରିଥିଲେ।
Popular Categories
Previous article
Next article