ମାଘ ତିଳ ସପ୍ତମୀ ଅବସରରେ ସମୁଦ୍ରରେ ବୁଡ଼ ପକାଇଲେ ସହସ୍ରାଧିକ ଶ୍ରଦ୍ଧାଳୁ

ଗୋପାଳପୁର: ଗୋପାଳପୁର ବେଳାଭୂମିରେ ଆଜି ମାଘ ମାସ ତିଳ ସପ୍ତମୀରେ ସମୁଦ୍ରରେ ବୁଡ଼ ପାଇଁ ୧୫ ହଜାରରୁ ଉର୍ଦ୍ଧ ଲୋକଙ୍କ ଭିଡ଼ ଦେଖିବାକୁ ମିଳିଛି। ମଧ୍ୟ ରାତ୍ର ଠାରୁ ସ୍ଥାନୀୟ ଅଂଚଳ ସମେତ ବ୍ରହ୍ମପୁର ଓ ଆଖପାଖ ଅଂଚଳରୁ ବହୁ ଶ୍ରଦ୍ଧାଳୁ ବେଳାଭୂମି ମୁହାଁ ହୋଇଥିଲେ। ମହିଳା ମାନେ ନୂତନ ବସ୍ତ୍ର ପିନ୍ଧି ହାତରେ ନଡ଼ିଆ, କଦଳୀ, ଫୁଲ ଆଦି ଧରି ସମୁଦ୍ରରେ ସ୍ନାନ କରି ସୂର୍ଯ୍ୟଙ୍କୁ ପୂଜାର୍ଚ୍ଚନା କରିବା ସହ ବିଶ୍ୱ କଲ୍ୟାଣ ପାଇଁ ଅର୍ଘ୍ୟ ଅର୍ପଣ କରିଥିଲେ। ତାହାସହ ସମୁଦ୍ରରେ ଶ୍ରଦ୍ଧାଳୁ ମାନେ ବୁଡ଼ ପକାଇ ସୂର୍ଯ୍ୟଙ୍କୁ ପୁଜା କରିଥିଲେ। ଭିଡ଼କୁ ନଜରରେ ରଖି ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ପୁଲିସ ମୁତୟନ କରାଯାଇଥିଲା।