ଆଠଗଡ: ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ କଲେଜ ଛାତ୍ର କମନରୁମର ବାର୍ଷିକ ଉତ୍ସବ ଅଧ୍ୟକ୍ଷ ଡ.ଲୋକନାଥ ସାହୁଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ଆଠଗଡ ୟୁନିୟନ ବ୍ୟାଙ୍କର ଶାଖା ପରିଚାଳକ ମାନସ ରଞ୍ଜନ ପଣ୍ଡା ଯୋଗଦେଇ ଛାତ୍ରଛାତ୍ରୀଙ୍କ ପାଇଁ କମନରୁମ କ୍ରୀଡାର ଆବଶ୍ୟକତା ଓ ଉପକାରିତା ବିଷୟରେ ଆଲୋକପାତ କରିଥିଲେ। ଅଧ୍ୟକ୍ଷ ଡ. ସାହୁ ଛାତ୍ରଛାତ୍ରୀ ମାନେ ଶିକ୍ଷାଗ୍ରହଣ ସହିତ ଭଲ ମଣିଷ ହୋଇ ଦେଶ ଗଠନରେ ବ୍ରତୀ ହେବା ଲାଗି ପରାମର୍ଶ ଦେଇଥିଲେ। ସଂଗଠନର ଉପସଭାପତି ଅଧ୍ୟାପକ ଡ.ଚିତ୍ତରଞ୍ଜନ ପଟ୍ଟନାୟକ ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବାବଳେ ସହଯୋଗୀ ସଚ୍ଚିଦାନନ୍ଦ ଜେନା ବିବରଣୀ ପାଠ କରିଥିଲେ। କ୍ୟାରମ, ଚେସ୍ ଓ ବ୍ୟାଡମିଣ୍ଟନ ପ୍ରତିଯୋଗିତାର +୨ ଷ୍ଟ୍ରିମ୍ ଓ +୩ ଷ୍ଟ୍ରିମର କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଅଧ୍ୟାପିକା ଡ.ଗାୟତ୍ରୀ ତ୍ରିପାଠୀ, ଡ.ସୁରେଖା ଦାସ ଓ ଡେମୋନଷ୍ଟ୍ରେଟର ଶୁଭଦର୍ଶନ ମହାପାତ୍ର କାର୍ଯ୍ୟକ୍ରମ ସଂଯୋଜନା କରିଥିଲେ। କ୍ରୀଡା ପ୍ରଶିକ୍ଷକ ସ୍ପିତି ରଞ୍ଜନ ରାଉତ କ୍ରୀଡା ପ୍ରତିଯୋଗିତା ପରିଚାଳନା କରିଥିଲେ।
Popular Categories
Previous article
Next article