ସମ୍ବଲପୁର: ସମ୍ବଲପୁର ଜିଲା ଯୁଯୁମୁରା ବ୍ଲକ ଅଞ୍ଚଳରେ ବଣୁଆ ଜନ୍ତୁଙ୍କ ଆକ୍ରମଣ ଦିନକୁ ଦିନ ବୃଦ୍ଧି ପାଉଛି। ଏଭଳି ଏକ ଘଟଣାରେ ଯୁଯୁମୁରା ଗ୍ରାମରେ ବାରହା ଆକ୍ରମଣରେ ୩ ଜଣ ଆହତ ହୋଇଛନ୍ତି। ପ୍ରାପ୍ତସୂଚନାନୂଯାୟୀ, ମଙ୍ଗଳବାର ସକାଳ ପ୍ରାୟ ୯ଟା ସମୟରେ ହଠାତ ଏକ ବାରହା ଆସି ଯୁଯୁମୁରା ଗ୍ରାମ ମଧ୍ୟରେ ଲୋକଙ୍କୁ ଆକ୍ରମଣ କରିବା ଆରମ୍ଭ କରିଥିଲା। ଫଳରେ ବାରାହା ଆକ୍ରମଣରେ ସୁର୍ଯ୍ୟକାନ୍ତି ବେହେରା, ନିରଞ୍ଜନ ରଣା ଓ ପାର୍ବତୀ ରଣା ନାମକ ୩ ଜଣ ପୁରୁଷ ଓ ମହିଳା ଆହତ ହୋଇଛନ୍ତି। ଆହତ ମାନଙ୍କୁ ଉଦ୍ଧାର କରି ତୁରନ୍ତ ଯୁଯୂମୁରା ଡାକ୍ତରଖାନାକୁ ନିଆଯିବା ପରେ ପରବର୍ତ୍ତୀ ସମୟରେ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇ ଚିକିତ୍ସା କରାଯାଉଛି। ଏହି ଘଟଣା ପରେ ଅଞ୍ଚଳରେ ଭୟର ବାତାବରଣ ଖେଳି ଯାଇଛି। ପୁର୍ବରୁ ସ୍ଥାନୀୟ ବ୍ଲକ ଅଞ୍ଚଳରେ ହାତୀ ଉପଦ୍ରବ ସମସ୍ୟା ରହିଥିବା ବେଳେ ତାକୁ ଆଜି ପର୍ଯ୍ୟନ୍ତ ସମାଧାନ କରାଯାଇ ନାହିଁ। ଗୋଟିଏ ପଟରେ ହାତୀ ସମସ୍ୟା ଲାଗି ରହିଥିବା ବେଳେ ସକାଳ ସମୟରେ ଦିନବେଳା ଜନବସତି ମଧ୍ୟକୁ ବାରାହା ପ୍ରବେଶ କରି ଲୋକଙ୍କୁ ଆକ୍ରମଣ କରିବା ଘଟଣା ପରେ ଲୋକେ ଚିନ୍ତିତ ହୋଇ ପଡ଼ିଛନ୍ତି। ଏହି ଘଟଣା ପରେ ବନ ବିଭାଗକୁ ବାରାହା ଆକ୍ରମଣ ନେଇ ଜନତା ସୁଚନା ଦେଇଥିବାର ଜଣାପଡ଼ିଛି।
Popular Categories
Previous article
Next article