ଗୋପାଳପୁର: ଭୁବନେଶ୍ୱର-ବ୍ରହ୍ମପୁର ଓ ବ୍ରହ୍ମପୁର-ଭୁବନେଶ୍ୱର ବିମାନ ସେବା ଚଳିତ ମାସରୁ ବନ୍ଦ ରହିବ ବୋଲି ଜଣାପଡିଛି। ଯାହା ଫଳରେ ବ୍ରହ୍ମପୁର ସମେତ ବିମାନ ସେବା ଉପରେ ନିର୍ଭର କରୁଥିବା ଲୋକମାନଙ୍କ ମଧ୍ୟରେ ନୈରାଶ୍ୟ ଖେଳି ଯାଇଛି। ଅନ୍ୟ ପଟେ ବିମାନ ବନ୍ଦର ସମ୍ପ୍ରସାରଣ କାମ ଚାଲୁ ରହିଥିବା ସହ କିଛି ଦିନ ମଧ୍ୟରେ ରନ ଓ୍ବେ କାମ ଆରମ୍ଭ ହେଉଥିବାରୁ ବିମାନ ଚଳାଚଳ ବନ୍ଦ କରିବାକୁ ଜୁଲାଇ ମାସରେ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ଏହା ନେଇ ରାସ୍ତା ଓ ଗଞ୍ଜାମ କୋଠାବାଡ଼ି ବିଭାଗକୁ ଅବଗତ କରା ଯାଇଥିଲା। ଯାହାଫଳରେ ବିମାନ ପଡିଆ ସମ୍ପ୍ରସାରଣ କାମ ସରିବା ପରେ ହିଁ ପୁଣିଥରେ ଏଠାରୁ ବିମାନ ଚଳାଚଳ ଚଳାଚଳ ଆରମ୍ଭ ହୋଇପାରେ ବୋଲି ସୂଚନା ମିଳିଛି। ଗତ ମେ ମାସରୁ ଏଠାକୁ ଚଳାଚଳ କରୁଥିବା ଇଣ୍ଡିଆ ଓ୍ବାନ ବିମାନ ସଠିକ ଭାବେ ଯାଆସ କରୁନଥିବା ସହ ସପ୍ତାହର ରବିବାର ଓ ବୁଧବାର ବଦଳରେ କେବଳ ବୁଧବାର ହିଁ ବିମାନ ସେବା ଚାଲୁଥିଲା। ଏହା ନେଇ ବିମାନସେବା ପ୍ରଦାନ କାରୀ ସଂସ୍ଥା ସହ ଯୋଗାଯୋଗ ବେଳେ ସେମାନେ ଅପରେସନାଲ ଅସୁବିଧା ଯୋଗୁଁ ବିମାନ ସେବା ବାତିଲ କରାଯାଇଥିବା ସୂଚନା ଦେଇଥିଲେ। ସୂଚନା ଯୋଗ୍ୟ ଯେ ବିମାନ ପଡିଆ ସମ୍ପ୍ରସାରଣ କାମ ଇତି ମଧ୍ୟରେ ଆରମ୍ଭ ହୋଇଯାଇଥିବା ବେଳେ ଚଳିତବର୍ଷ ନଭେମ୍ବର ସୁଦ୍ଧା ଏହାକୁ ସାରିବାକୁ ଲକ୍ଷ ରଖାଯାଇଛି।
Comments are closed.