ଆଠଗଡ: ପର୍ବତ ଆରୋହୀ, କ୍ରୀଡା ପ୍ରତିଭା ତଥା ସମାଜସେବୀ ରୂପଶ୍ରୀ ଶ୍ଵେତପଦ୍ମା ମହାନ୍ତି ଆଭାସି ମାଧ୍ୟମରେ ଅନୁଷ୍ଠିତ ବିଭିନ୍ନ କ୍ରୀଡା ପ୍ରତିଯୋଗିତାରେ କୃତିତ୍ବ ଅର୍ଜନ କରିଥିବା ଜଣାପଡିଛି। ଆଠଗଡ ସହର ଅନ୍ତର୍ଗତ ମୈତ୍ରୀନଗର ବାସିନ୍ଦା ରୂପଶ୍ରୀ ଗତ ଫେବୃଆରୀ ମାସରୁ ଅଦ୍ୟାବଧି ଜାତୀୟ ଓ ଆନ୍ତର୍ଜାତୀୟ ସ୍ତରରେ ଆୟୋଜିତ କେତେକ କ୍ରୀଡା ପ୍ରତିଯୋଗିତାରେ ଅଂଶଗ୍ରହଣ କରି ୭ଟିରେ ସଫଳତା ଅର୍ଜନ କରି ପ୍ରମାଣପତ୍ର ଓ ପୁରସ୍କାର ପାଇଛନ୍ତି। ଗତ ୨୦୨୦-୨୧ ମସିହାରେ କରୋନା ମହାମାରୀ ପରେ ବିଭିନ୍ନ ଅନୁଷ୍ଠାନ ଆଭାସି ମାଧ୍ୟମରେ ଅନେକ କ୍ରୀଡା ପ୍ରତିଯୋଗିତା ଆୟୋଜନ କରୁଛନ୍ତି। ଗତ ଫେବ୍ରୁଆରୀ ମାସ ୨୫ ତାରିଖରେ ଚେନ୍ନାଇର ଶିବ୍ କ୍ୟାନସର କେୟାର ଟ୍ରଷ୍ଟ ପକ୍ଷରୁ ଇଣ୍ଡିଆ ରନାଥନ୍ ଆୟୋଜିତ ହୋଇଥିଲା। ଯେଉଁଥିରେ ରୂପଶ୍ରୀଙ୍କ ସମେତ ସାରା ଦେଶରୁ ୧୯୫୧୨ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ଆୟୋଜିତ ୧୦ କିମି ମାରାଥନରେ ଭାଗ ନେଇଥିବା ରୂପଶ୍ରୀ ୧ ଘଣ୍ଟା ୩୫ ମିନିଟରେ ଅତିକ୍ରମ କରି କୃତିତ୍ବ ଅର୍ଜନ କରିବା ସହ ପୁରସ୍କୃତ ହୋଇଥିଲେ। ପରେ ପରେ ବହୁ କ୍ରୀଡା ପ୍ରତିଯୋଗିତାରେ ଅଂଶଗ୍ରହଣ କରିଥିବା ରୂପଶ୍ରୀ ଗ୍ରାଣ୍ଡ ୟୁନିଭର୍ସ ବୁକ୍ ଅଫ୍ ୱାର୍ଲ୍ଡ ରେକର୍ଡ ଅଫ୍ ୟୁନାଇଟେଡ କିଙ୍ଗଡମ, ରେକର୍ଡ ସେଟର ଅଫ ୱାର୍ଲ୍ଡ, ପ୍ରେଷ୍ଟିଜିୟସ୍ ବୁକ୍ ଅଫ ୱାର୍ଲ୍ଡ ରେକର୍ଡ ଭଳି ୭ଟି ସମ୍ମାନଜନକ ୱାର୍ଲ୍ଡ ରେକର୍ଡରେ ସ୍ଥାନ ପାଇଛନ୍ତି। କୃତିତ୍ବ ଅର୍ଜନ କରିଥିବା ରୂପଶ୍ରୀଙ୍କୁ ବହୁ ପ୍ରମାଣପତ୍ର ପୁରସ୍କାର ମିଳିଥିବାରୁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା କରାଯାଇଛି।
Popular Categories
Previous article
Next article