ଫୁଲବାଣୀ: ୫ ଦିନ ଧରି ସମଗ୍ର କନ୍ଧମାଳ ଜିଲାରେ ତୁହାକୁ ତୁହା ବର୍ଷା ଯୋଗୁଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷା ଯୋଗୁଁ ବିଭିନ୍ନ ନଦୀ ଓ ନାଳରେ ପାଣି ବୃଦ୍ଧି ପାଇଛି। ଯେଭଳି ଲଗାଣ ବର୍ଷା ଯୋଗୁଁ ଅନେକ ଘର ସନ୍ତସନ୍ତିଆ ହୋଇ ରହିଥିବା ବେଳେ ଦୁର୍ଗମ ଅଞ୍ଚଳ ମାନଙ୍କରେ ସବୁଦିନିଆ ରାସ୍ତା ନଥିବା ଯୋଗୁଁ ଲୋକେ ଯାତାୟତରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏଭଳି ସ୍ଥଳେ ଫିରିଙ୍ଗିଆ ବ୍ଲକ ରେ ଗତ ୫ ଦିନ ହେବ ଲଘୁଚାପ ଜନିତ ପ୍ରବଳ ବର୍ଷା ଲାଗି ରହିଛି। ଚାଷୀ ମାନେ ଖୁସିରେ ବିଲରେ ହଳ ବୁଲାଇ ଚାଷ କାର୍ଯ୍ୟ ଆରମ୍ଭ କରି ଥିବା ବେଳେ ବର୍ଷାରେ ଫିରିଙ୍ଗିଆ ବ୍ଲକର ପାଙ୍ଗା ପଞ୍ଚାୟତର ମାରକାଲି ଗାଁ ନିକଟରେ ଥିବା ବାଘ ନଦୀରେ ପାଣି ବଢ଼ି ଆସୁଥିବାରୁ ଉଭୟ ପଟେ ଯାତାୟତ ବିଛିନ୍ନ ହେବା ସହ ବହୁ ପରିବାର ବର୍ତମାନ ଯିବା ଆସିବାରେ ଅସୁବିଧାର ସମ୍ମୁଖୀନ ସହ ବାହ୍ୟ ଜଗତରୁ ବିଛିନ୍ନ ହୋଇ ରହିଛନ୍ତି। କ୍ରାଣ୍ଡି ବାଲି ପଞ୍ଚାୟତର ଡଙ୍ଗିମେଣ୍ଡି ଗାଁ ସଂଯୋଗ କରୁଥିବା ରାସ୍ତା ମଝିରେ ବାଘ ନଦୀ ଯାଇଥିବାରୁ ଅଧିକ ପାଣି ଆସୁଥିବାରୁ ଯାତାୟତ ବାଧାପ୍ରାପ୍ତ ହୋଇଛି। କିଛି ଗାଁରେ ବର୍ଷା ଲାଗି ରହିଥିବା ବେଳେ ଗଛ ଭାଙ୍ଗିଥିବା ଜଣା ପଡ଼ିଥିବା ବେଳେ ଗୋଚ୍ଛା ପଡା ନିକଟରେ ରାସ୍ତା ଉପରେ ଏକ ବିରାଟ ଶାଳ ଗଛ ପଡିଯିବାରୁ ପ୍ରାୟ ୩ରୁ ୪ ଘଣ୍ଟା ରାସ୍ତା ଅବରୋଧ ହୋଇଛି।
Popular Categories
Previous article
Next article