ଫୁଲବାଣୀ: ଫିରିଙ୍ଗିଆ ବ୍ଲକ ଅନ୍ତର୍ଗତ ଗାଗଡ ପଦରରେ ଆମ୍ବ ଏବଂ ଖଜୁରିପଡା ବ୍ଲକ କଲାଡୀ ଠାରେ ଚାଲିଥିବା ପଣସର ଭାଲ୍ୟୁ ଆଡିସନ ପ୍ରକଳ୍ପ ଦ୍ବାରା ଅନୁପ୍ରାଣିତ ହୋଇ କଳାହାଣ୍ଡି ଜିଲ୍ଲାର ଏକ ଟିମ ଏକସପୋଜର ଭିଜିଟରେ ଆସିଥିଲେ। ଏହି ଟିମରେ କଳାହାଣ୍ଡି ଜିଲ୍ଲା ଥୁଆମୂଳ ରାମପୁରର ଡିଡିଏଚ, ପ୍ରୋଗ୍ରାମ ମ୍ୟାନେଜେର, ଡିଏମଫ, ଓରମାସର ସିଇଓ ଏବଂ ଅନ୍ୟ ଷ୍ଟାଫ ସାମିଲ ଥିଲେ। ଫୁଲବାଣୀ ଆଇ ଟି ଡି ଏ ର ପ୍ରୋଗ୍ରାମ ମ୍ୟାନେଜେର ପି ମୂରଲୀ ମୋହନ ଉପସ୍ଥିତ ରହି ପ୍ରକ୍ରିୟାକରଣ ୟୁନିଟର କାର୍ଯ୍ୟକାରିତା ସମ୍ପର୍କରେ ସବିଶେଷ ବିବରଣୀ ପ୍ରଦାନ କରିଥିଲେ। ଏଥିରେ ଏସଏଚଜି ଗ୍ରୁପ ମହିଳାଙ୍କ ଅବଦାନ ସମ୍ଭନ୍ଧରେ ମଧ୍ୟ ସେ ତଥ୍ୟ ପ୍ରଦାନ କରିଥିଲେ। ପରିଦର୍ଶନରେ ଆସିଥିବା ଅଧିକାରୀ ମାନେ ଏସ ଏଚ ଜି ଗ୍ରୁପ ମାନଙ୍କ ସହିତ ଆଲୋଚନା କରି ନିଜ ଅଂଚଳରେ ଏଭଳି ୟୁନିଟ ସ୍ଥାପନ କରିବା ନେଇ ମତ ପ୍ରକାଶ କରିଥିଲେ। ଫିରିଙ୍ଗିଆ ବ୍ଲକର ସଫଳ ଚାଷୀ ବେଲାର କହଁରଙ୍କ ଦ୍ୱାରା ୫ ଏକର ଜାଗାରେ ଡ୍ରାଗନ ଫ୍ରୁଟ ବଗିିଚା ବୁଲି ଅତ୍ୟନ୍ତ ପ୍ରଭାବିତ ହୋଇଥିଲେ। ନିଜ ଜିଲ୍ଲାରେ ଏହାର ଆରମ୍ଭ ପାଇଁ ପ୍ରୟାସ କରିବେ ବୋଲି ପ୍ରକାଶ କରିଛନ୍ତି ପରିଦର୍ଶନକାରୀ ଦଳ। ଏଭଳି ନୂତନ ପ୍ରୟୋଗ ପାଇଁ ସେମାନେ ଫୁଲବାଣୀ ଆଇଟିଡିଏ ପ୍ରକଳ୍ପ ପ୍ରଶାସିକା ଦେବଯାନୀ ଭୁୟାଁ ଓ ପ୍ରୋଗ୍ରାମ ମ୍ୟାନେଜେର ପି ମୁରଲୀ ମୋହନଙ୍କୁ ଧନ୍ୟବାଦ ଜଣାଇଛନ୍ତି।
Popular Categories
Previous article
Next article