ରେଙ୍ଗାଲିକ୍ୟାମ୍ପ: ବିଶ୍ୱପ୍ରସିଦ୍ଧ ରଥ ଯାତ୍ରା ପାଇଁ ଉତ୍ସବ ମୁଖର ପ୍ରତ୍ୟେକଟି ଜଗନ୍ନାଥ ମନ୍ଦିର। ସେଥିପାଇଁ ଅତାବିରା ଅଞ୍ଚଳରେ ଥିବା ସମସ୍ତ ଜଗନ୍ନାଥ ମନ୍ଦିରରେ ଚତୁର୍ଦ୍ଧା ମୂର୍ତ୍ତିଙ୍କ ରଥଯାତ୍ରା ପାଳିତ ହୋଇଛି। ବିଧି ପୂର୍ବକ ଅପରାହ୍ନରେ ଆରମ୍ଭ ହୋଇଥିଲା ପହଣ୍ଡି ବିଜେ। ଜଗନ୍ନାଥଙ୍କ ଭକ୍ତିରେ ନିମଗ୍ନ ହୋଇ ଭକ୍ତ ମାନେ ଘଣ୍ଟ ବଜାଇ ହରିବୋଲ ଜୟ ଧ୍ୱନିରେ ଭଗବାନଙ୍କ ପହଣ୍ଡି ବିଜେ କରାଇଥିଲେ। ଘଣ୍ଟ ଘଣ୍ଟା ହରିବୋଲ ହୁଳହୁଳି ଧ୍ଵନିରେ ଅଞ୍ଚଳ ପ୍ରକମ୍ପିତ ହୋଇ ଉଠିଥିଲା। ଅତାବିରା, ଗୋଡଭଗା, କୁଲୁଣ୍ଡା, ଟୋପ, ସିଂହପାଲି, କାଦୋବାହାଲ, ଟାଙ୍ଗରପାଲି, ପାହାଡ଼ଶ୍ରୀଗିଡା ଭଳି ଗ୍ରାମ ମାନଙ୍କରେ ଥିବା ଜଗନ୍ନାଥ ମନ୍ଦିର ଗୁଡିକରେ ଏହି ରଥଯାତ୍ରା ପାଳିତ ହୋଇଯାଇଛି।
Comments are closed.