ରିଆମାଳ : ଥମୁନି ଦନ୍ତା ଆତଙ୍କ। ରିଆମାଳ ବନାଞ୍ଚଳ ତୁଙ୍ଗାମାଳ ପଞ୍ଚାୟତ ଅନ୍ତର୍ଗତ କାଞ୍ଜିଆମ୍ବ ଗାଁରେ ଅଭାବନୀୟ ଘଟଣା ଘଟିଛି। ଦନ୍ତା ହାତୀ ଆକ୍ରମଣରେ ଜଣେ ଚାଷୀଙ୍କର ମୃତ୍ୟୁ ଘଟିଛି। ମୃତ ଚାଷୀ ଯାତ୍ରା ପ୍ରଧାନ ବୋଲି ଜଣାପଡିଛି। ଯାତ୍ରା ଶନିବାର ଅପରାହ୍ଣରେ ଘର ନିକଟରେ ଥିବା ଏକ ବାଇଗଣ ବଗିଚାରେ କାମ କରୁଥିଲେ। ସନ୍ଧ୍ୟା ସମୟରେ ଏକ ଦନ୍ତା ବଗିଚାରେ ପଶି ଫସଲ ନଷ୍ଟ କରୁଥିଲାବେଳେ ସେ ଘଉଡ଼ାଇବାକୁ ଯାଇ ଆକ୍ରମଣର ଶିକାର ହୋଇଥିଲେ। ରେଞ୍ଜର ନିରଞ୍ଜନ ଧରୁଆ ଘଟଣାର ତଦନ୍ତ କରୁଛନ୍ତି।
Comments are closed.