ସମ୍ବଲପୁର: ସମ୍ବଲପୁରର ଖ୍ୟାତନାମା ଗୋବିନ୍ଦତୋଲା ଦୁର୍ଗା ପୂଜା କମିଟିକୁ ୫୦ ହଜାର ଟଙ୍କା କ୍ଷତିପୂରଣ ଦେବାକୁ ରିଲାଏନ୍ସ ଡିଜିଟାଲକୁ ସମ୍ବଲପୁର ସ୍ଥିତ ଖାଉଟି ଅଦାଲତ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଅଦାଲତର ନିର୍ଦ୍ଦେଶାନାମ ଅନୁଯାୟୀ, ଗୋବିନ୍ଦତୋଲା ଦୁର୍ଗା ପୂଜା କମିଟି ତରଫରୁ ଗତ ଅଗଷ୍ଟ ୨୦୨୩ରେ ରିଲାଏନ୍ସ ଡିଜିଟାଲରୁ ୮ ହଜାର ୯୯୦ ଟଙ୍କା ପଇଠ କରି ଏକ ସ୍ମାର୍ଟ ଏଲଇଡି ଟିଭି କିଣିଥିବା ବେଳେ ମାତ୍ର ୭ ଦିନ ଚାଲିବା ପରେ ଏଥିରେ ଯାନ୍ତ୍ରିକ ତ୍ରୁଟି ଦେଖାଯାଇଥିଲା ଏବଂ ବନ୍ଦ ହୋଇଯାଇଥିଲା। ଏ ନେଇ କମ୍ପାନୀକୁ ଜଣାଇବା ପରେ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିଲା କିମ୍ବା ଟିଭିକୁ ବଦଳ ମଧ୍ୟ କରାଯାଇ ନ ଥିଲା। ଫଳରେ ଦୁର୍ଗା ପୂଜା କମିଟି ତରଫରୁ ଖାଉଟି ଅଦାଲତର ଦ୍ୱାରସ୍ଥ ହୋଇ ମାମଲା ରୁଜୁ କରାଯାଇଥିଲା। ଏହାର ଶୁଣାଣିରେ ୧୩ ମେ ୨୦୨୪ରେ ଅଦାଲତ ରିଲାଏନ୍ସ କମ୍ପାନୀକୁ ଟିଭି ପାଇଁ ପଇଠ କରାଯାଇଥିବା ୮ ହଜାର ୯୯୦ ଟଙ୍କା ସହିତ ୫୦ ହଜାର ଟଙ୍କା ଜରିମାନା ଓ ମାମଲାର ଖର୍ଚ୍ଚ ପାଇଁ ୧୦ ହଜାର ଟଙ୍କାର ଜରିମାନା କରିଛନ୍ତି।
Comments are closed.