ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ଅଂଚଳରେ ଜଣେ ପଚିଶ ବର୍ଷୀୟ ଯୁବତୀଙ୍କ ସନ୍ଦେହ ଜନକ ମୃତ୍ୟୁ ହୋଇଥିବା ସୂଚନା ମିଳିଛି। ମୃତ ଯୁବତୀ ଜଣକ ଫିରିଙ୍ଗିଆ ଥାନା ନୁଆଁପଦର ପଂଚାୟତ ଅଧୀନରେ ଥିବା ରବିଙ୍ଗିଆ ଗାଁର ସରିତା କହଁର ବୋଲି ଜଣାପଡିଛି। ଘଟଣାକୁ ନେଇ ମେଡିକାଲ କର୍ତ୍ତୃପକ୍ଷ ଥାନାରେ ଏକା ଲିଖିତ ଅଭିଯୋଗ କଲାପରେ ଫିରିଙ୍ଗିଆ ପୋଲିସ ୦୩/୨୦୨୪ରେ ଏକ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରିବା ସହ ତଦନ୍ତ ଜାରିରଖିଥିବା ଜଣାପଡିଛି। ମୃତ ଯୁବତୀଙ୍କ ଭାଇ ପ୍ରାତପ କହଁରଙ୍କ ବୟାନ ଅନୁସାରେ ମୃତ ଯୁବତୀ ଜଣକ ଇଣ୍ଟରନେସନାଲ ମାର୍କେଟିଙ୍ଗ କର୍ପୋର୍ବସନ ନାମକ ଏକ ବେସରକାରୀ ଆୟୁର୍ବେଦିକ କମ୍ପାନୀର ମାର୍କେଟିଙ୍ଗ ଏଜେଣ୍ଟ ଭାବରେ କାମ କରୁଥିଲେ ଓ ଗତ ଦୁଇତାରିଖ ଦିନ ସେ କମ୍ପାନୀର ବାର୍ଷିକ ଉତ୍ସବ ପାଇଁ ତାଙ୍କ ସହପାଠୀ ମାନଙ୍କ ସହ ଦିଲ୍ଲୀ ଯାଇ ଗତ ଦଶ ତାରିଖ ରାତିରେ ନିଜଘର ରବିଙ୍ଗିଆକୁ ଫେରିଥିଲେ ଓ ଗତ ଏଗାର ତାରିଖ ଦିନ ହଠାତ ତାଙ୍କ ଦେହ ଅସୁସ୍ଥ ହେବା ସହ ବାନ୍ତି ଓ ଝାଡା ହୋଇଥିଲା। ପରେ ପରିବାର ଲୋକେ ତାଙ୍କୁ ଚିକିତ୍ସା ପାଇଁ ଫିରିଙ୍ଗିଆ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା।
Comments are closed.