କଲ୍ୟାଣସିଂହପୁର: ସନ୍ଧ୍ୟା ହେଲେ ଅନ୍ଧାରି ରାଜ। ମୌଳିକ ଅଧିକାରରୁ ବଞ୍ଚିତ ଭରିଭଟା ଗାଁ ହେଉଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକରେ। ଆଜି ମଧ୍ୟ ବିଜୁଳି ଆଲୁଅ ଭଳି ମୌଳିକ ସୁବିଧାରୁ ବଂଚିତ ଅନେକ ଗାଁ। ଆଦିବାସୀ କଲ୍ୟାଣ ମନ୍ତ୍ରୀ ତଥା ଆଇନ ମନ୍ତ୍ରୀ ଜଗନ୍ନାଥ ସାରକାଙ୍କ ନିଜସ୍ୱ ନିର୍ବାଚନ ମଣ୍ଡଳୀ। ମିଞ୍ଜି ମିଞ୍ଜି ଆଲୁଅରେ ନିଜ ଭବିଷ୍ୟତ ଖୋଜୁଛନ୍ତି ଏଠାକାର ଛାତ୍ର ଛାତ୍ରୀ। ତେଲ ଥିବା ଯାଏଁ ପାଠ ପଢ଼ନ୍ତି, ତେଲ ସରିଗଲେ ପାଠ ପଢ଼ା ଠପ। ବେଳ ଥାଉ ଥାଉ ଏଠାକାର ଲୋକେ ରନ୍ଧା ବଢ଼ା ସାରି ସନ୍ଧ୍ୟା ପରେ ଅନ୍ଧାରରେ ରାତି ବିତାଉଛନ୍ତି। କେବଳ ବିଜୁଳି ଆଲୁଅ ନୁହେଁ ଗାଁକୁ ଯିବା ପାଇଁ ପକା ରାସ୍ତାଟିଏ ନାହିଁ।
ସାମାନ୍ୟ ଅସୁସ୍ଥତା ହେଉ କିମ୍ଵା ଗର୍ଭବତୀ ମହିଳା ସେମାନଙ୍କୁ ଖଟିଆ ହିଁ ଭରସା। ସମସ୍ୟା ଏତକି ରେ ସାରିନାହଁ ଗାଁରେ ଥିବା ଏକମାତ୍ର ସୋଲାର ଚାଳିତ ନଳକୂପ ଅଚଳ ହୋଇ ଏକ ମାସ ବିତିଗଲାଣି କିନ୍ତୁ ପ୍ରଶାସନ କିମ୍ବା ନେତା କାହାରି ଧ୍ୟାନ ନାହି।ଚଳିତ ବର୍ଷ ନିର୍ବାଚନରେ ଭୋଟ୍ ନ ଦେବାକୁ ସିଧା ସିଧା ଶୁଣେଇଛନ୍ତି ଗ୍ରାମବାସୀ।
Comments are closed.