ପିପିଲି: ପୁରୀ ଜିଲା ଅସ୍ତରଙ୍ଗ ଥାନା ଅନ୍ତର୍ଗତ ଆଳସାହି ପଞ୍ଚାୟତର ବରାଙ୍ଗ ଗ୍ରାମର ୨୩ ପରିବାର ଏବେ ଦୁଃଖରେ କାଳ କାଟୁଛନ୍ତି। ଗତ ୪ବର୍ଷ ଧରି ସେମାନେ ନିଜ ଜମିରେ ଫସଲ କରୁଛନ୍ତି। କିନ୍ତୁ ଅମଳ କରିବାରେ ସକ୍ଷମ ହେଉନାହାନ୍ତି। ସେମାନଙ୍କ ଜମିରୁ ବଳପୂର୍ବକ ଭାବେ ଫସଲ କାଟି ନିଆଯିବା ସହ ବେଆଇନ ଭାବେ ଜୋର ଜବରଦସ୍ତ ମାଟି ଖୋଳାଯାଇ ବିକ୍ରି କରାଯାଉଛି। ପ୍ରତିବାଦ କଲେ ଘଣ୍ଟ ବଜାଇ ସେମାନଙ୍କୁ ନିର୍ଦ୍ଧୁମ ମାଡ ମରାଯାଉଛି। ଏନେଇ ଅସ୍ତରଙ୍ଗ ପୁଲିସରେ ଏକାଧିକବାର ଅଭିଯୋଗ କରାଯାଇଥିଲେ ମଧ୍ୟ ରାଜନୈତିକ ଚାପରେ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ ବୋଲି ଜାତୀୟ ଦଳିତ, ଆଦିବାସୀ ଓ ସଂଖ୍ୟାଲଘୁ ମହାସଂଘର ରାଜ୍ୟ ସଭାପତି ବିଜୟ କୁମାର ସେଠୀ ଗୁରୁତର ଅଭିଯୋଗ କରିଛନ୍ତି। ସମସ୍ତ ଅଭିଯୁକ୍ତଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ୧୦ହଜାର ପୁରୁଷ ଓ ମହିଳାଙ୍କୁ ନେଇ ପିପିଲିରୁ ଏକ ଶୋଭାଯାତ୍ରା ବାହାରି ନବୀନ ନିବାସ ପର୍ଯ୍ୟନ୍ତ ଯିବ ଓ ସେଠାରେ ଜୋରଦାର ଆନ୍ଦୋଳନ କରାଯିବ ବୋଲି ଶ୍ରୀସେଠୀ ଚେତାବନୀ ଦେଇଛନ୍ତି।
Comments are closed.