ଆଠଗଡ଼: ଆଠଗଡ଼ ଯୁବ ଓ ଛାତ୍ର କଂଗ୍ରେସର ମିଳିତ ଆନୁକୁଲ୍ୟରେ ପୂର୍ବତନ ବିଧାୟକ ତଥା ବରିଷ୍ଠ କଂଗ୍ରେସ ନେତା ସ୍ୱର୍ଗତ ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ୬୦ତମ ଜୟନ୍ତୀ ଅବସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ବୁଧବାର ସ୍ଥାନୀୟ ଶୁଭଦୀପା କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇଯାଇଛି। ଆଠଗଡ଼ ଏନଏସିର କାଉନସିଲର ତଥା କଟକ ଜିଲ୍ଲା ଯୁବ କଂଗ୍ରେସ ଉପସଭାପତି ମନୋରଞ୍ଜନ ପଟ୍ଟନାୟକଙ୍କ ପରିଚାଳନାରେ ଅନୁଷ୍ଠିତ ଏହି ଶିବିରରେ ଏସସିବି ମେଡିକାଲ କଲେଜ ରକ୍ତଭଣ୍ଡାର ପକ୍ଷରୁ ଡାକ୍ତରୀଦଳ ମୋଟ ୩୮ୟୁନିଟ ରକ୍ତ ସଂଗ୍ରହ କରିଥିଲେ। ଏହି ଶିବିରକୁ କଂଗ୍ରେସର ବରିଷ୍ଠ ନେତା ତଥା ପିିସିସି ମିଡିଆ ସେଲ ଅଧ୍ୟକ୍ଷ ବିଶ୍ୱରଞ୍ଜନ ମହାନ୍ତି ଉଦ୍ଘାଟନ କରିଥିବାବେଳେ ଏଥିରେ ଅତିଥି ବାବେ ପିସିସି ଉପସଭାପତି ବିଭୂତି ଭୂଷଣ ମିଶ୍ର, ପୂର୍ବତନ ଯୁବକଂଗ୍ରେସ ରାଜ୍ୟ ସଭାପତି ସ୍ମୃତିରଞ୍ଜନ ଲେଙ୍କା, ପିସିସି ସଭ୍ୟ ଅକ୍ଷୟ କୁମାର ୁତୁଙ୍ଗସାମନ୍ତ, ମେହବୁବ୍ ଅହମ୍ମଦ ଖାଁ ପ୍ରମୁଖ ଅତିଥି ଭାବେ ଯୋଗଦେଇ ଉଦ୍ବୋଧନ ଦେବା ସହ ରକ୍ତଦାତାଙ୍କୁ ଉତ୍ସାହିତ କରିଥିଲେ। ଆଠଗଡ଼ ଯୁବକଂଗ୍ରେସ ସଭାପତି ବିକ୍ରମ ରାୟସାମନ୍ତ, ପ୍ରଶାନ୍ତ ବେହେରା, ଅବିନାଶ ପ୍ରଧାନ, ସିଲୁ ପ୍ରଧାନ, ସମ୍ବିତ ଦଳାଇ, ଦେବବ୍ରତ ଦାସ, ଶ୍ରୀତମ ଦାସ, ଗୁରୁବାରୀ ନାଥ, ବଳଭଦ୍ର ପ୍ରହରାଜ, ଜ୍ଞାନରଞ୍ଜନ ପଟ୍ଟନାୟକ, ଇଂ ପ୍ରିୟବ୍ରତ ଦାସ ଓ ଅର୍ଦ୍ଧେନ୍ଦୁ ମହାନ୍ତି ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ।
Comments are closed.