ପାଟଣା: ପାଟଣା ବ୍ଲକ ଅନ୍ତର୍ଗତ ଡୁମୁରିଆ ସ୍ଥିତ ବଢେଇଶୁଣି ଉଚ୍ଚ ବିଦ୍ୟାଳୟର ବାର୍ଷିକ ଉତ୍ସବ ମଙ୍ଗଳବାର ଅପରାହ୍ନରେ ପ୍ରଧାନ ଶିକ୍ଷକ ତ୍ରିନାଥ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବରିଷ୍ଠ ଶିକ୍ଷକ ସୁଧାକର ପଣ୍ଡା କାର୍ୟ୍ୟକ୍ରମକୁ ସଂଯୋଜନା କରିବା ସହ ଅତିଥି ପରିଚୟ ଓ ବାର୍ଷିକ ବିବରଣୀ ପାଠ କରିଥିଲେ। ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟା ରୁନୁ ମହାନ୍ତ, ମୁଖ୍ୟ ବକ୍ତା ଭାବେ ପାଟଣା ବ୍ଲକ ସହ ଶିକ୍ଷା ଅଧିକାରୀ ସଚ୍ଚିଦାନନ୍ଦ ସେଠୀ, ସମ୍ମାନିତ ଅତିଥି ଭାବରେ ବରିଷ୍ଠ ସାମ୍ବାଦିକ ନୃସିଂହ ନାଥ ସିଂହ, ଡୁମୁରିଆ ସମିତି ସଭ୍ୟା ଜୟନ୍ତୀ ନାଏକ, ମୋ ସ୍କୁଲ ଅଭିଯାନର ସଭାପତି କେଦାର ନାଥ ପଲେଇ ଓ ବିଦ୍ୟାଳୟ ପରିଚାଳନା କମିଟିର ପ୍ରହଲାଦ ପଲେଇ ପ୍ରମୁଖ ଯୋଗଦେଇ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ମାର୍ଗଦର୍ଶନ ଦେଇଥିଲେ।
କାର୍ୟ୍ୟକ୍ରମରେ କ୍ରୀଡା ପ୍ରତିଯୋଗୀତାର ବାଳକ ବର୍ଗର ଚମ୍ପିଆନ ବିଭୁତି ସାଗର ନାଏକ ଓ ବାଳିକା ବର୍ଗର ସୁକାନ୍ତି ମୁଣ୍ଡାଙ୍କ ସହ ମୋଟ ୫୪ ଜଣ ଛାତ୍ରଛାତ୍ରୀଙ୍କୁ ଅତିଥି ମାନଙ୍କ ଦ୍ୱରା ପୁରସ୍କାର ଓ ପ୍ରମାଣ ପତ୍ର ପ୍ରଦାନ କରାଯାଇଥିଲା। ଶିକ୍ଷକ ବିବେକାନନ୍ଦ ନାୟକ ଲକ୍ଷ୍ମଣ ମହାନ୍ତ, ବିଶ୍ୱନାଥ ନାୟକ, ବିଶ୍ଵଜିତ ବେହେରା ଶିକ୍ଷୟତ୍ରୀ ଅଞ୍ଜଳି ଗିରି ଲତିକା ମଞ୍ଜରୀ ମହାନ୍ତ ଏବଂ ପଞ୍ଚାନନ ମହାନ୍ତ ପ୍ରମୁଖଙ୍କ ପ୍ରତକ୍ଷ ତତ୍ୱାବଧାନରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ୟ୍ୟକ୍ରମ କୁ ଛାତ୍ରଛାତ୍ରୀ ଓ ଅଭିଭାବକ ମାନେ ବେଶ ଉପଭୋଗ କରିଥିଲେ।
