ଆଠଗଡ଼: ଆଠଗଡ଼ ଦମକଳ କେନ୍ଦ୍ର ପରିସରରେ ପ୍ରତିଷ୍ଠିତ ତ୍ରିନାଥ ଦେବଙ୍କ ବାର୍ଷିକ ପୂଜା ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ମନ୍ଦିର ପରିସରରେ ହୋମଯଜ୍ଞ ଓ ସ୍ୱତନ୍ତ୍ର ପୂଜାନୀତି ଅନୁଷ୍ଠିତ ହୋଇଥିଲା। ପ୍ରତ୍ୟୁଷରେ ଅଙ୍କୁରାରୋପଣ, ଅଧିବାସ, କଳସ ଯାତ୍ରା, ଘଟସ୍ଥାପନ, ସୂର୍ଯ୍ୟପୂଜା, ଗୋପୂଜା, ଅଗ୍ନିସ୍ଥାପନ, ସର୍ବ ଦେବାଦେବୀ ପୂଜା, ତ୍ରିନାଥ ଦେବଙ୍କ ସପ୍ତାଶ ଉପଚାର ପୂଜା ସହିତ ଆହୁତି ଏବଂ ପୂର୍ଣ୍ଣାହୁତି ସଂପନ୍ନ ହୋଇଥିଲା। ଅଗ୍ନିଶମାଧିକାରୀ ସଂଗ୍ରାମ ହାଂସଦା କର୍ତ୍ତା ଭାବେ ଯଜ୍ଞ ପରିଚାଳନା କରିଥିଲେ। ଦମକଳ କେନ୍ଦ୍ର ସମସ୍ତ କର୍ମଚାରୀ ଉପବାସ ବ୍ରତ ରଖି ନିଷ୍ଠାର ସହିତ ଏହି ଯଜ୍ଞ ଆଦି କାର୍ଯ୍ୟ ସଂପନ୍ନ କରିବାରେ ସହଯୋଗ କରିଥିଲେ। ଆଠଗଡ଼ ଅଞ୍ଚଳର ବହୁ ବିଶିଷ୍ଟ ବ୍ୟକ୍ତି ଏବଂ ସରକାରୀ ଅଧିକାରୀ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ।
Comments are closed.