ଗୁରୁଡ଼ିଝାଟିଆ: କୋତର ଅନୁସୂଚିତ ଜନଜାତି ସାହିରେ ଅଗ୍ନି ବିପନ୍ନ ୨ ପରିବାରକୁ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଭେଟି ସହାୟତା ପ୍ରଦାନ କରିବା ସହିତ ସରକାରୀ ସହାୟତା ପ୍ରଦାନ ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ମନ୍ତ୍ରୀ ଶ୍ରୀ ସ୍ୱାଇଁ ଆର୍ଥିକ ସହାୟତା ସହିତ ଲୁଗା, କମ୍ବଳ ଓ ଶୁଖିଲା ଖାଦ୍ୟ ପ୍ରଦାନ କରିଥିଲେ। ପ୍ରକାଶଯୋଗ୍ୟ ଗୁରୁଡ଼ିଝାଟିଆ ଥାନା ଅନ୍ତର୍ଗତ କୋତର ଗାଁର ଜିତୁ ଦେହୁରୀ ଓ କାଠି ଦେହୁରୀଙ୍କ ଗତ ମଙ୍ଗଳବାର ରାତିରେ ଅଗ୍ନିକାଣ୍ଡ ଯୋଗୁଁ ଚାଳଛପର ଘର ପୋଡିଯାଇଥିଲା। ଏ ସଂପର୍କରେ ଖବର ପାଇଁ ମନ୍ତ୍ରୀ ଶ୍ରୀ ସ୍ୱାଇଁ ପହଞ୍ଚି ସହାୟତା ପ୍ରଦାନ କରିଛନ୍ତି।
ସେହିପରି ଅଗ୍ନି ବିପନ୍ନଙ୍କୁ ଆଠଗଡ଼ ବିକାଶ ମଞ୍ଚ ପକ୍ଷରୁ ସହାୟତା ପ୍ରଦାନ କରାଯାଇଛି। ମଞ୍ଚର ସଭାପତି ସମାଜସେବୀ ମାନସ ବସ୍ତିଆ ଆଜି କୋତର ଗ୍ରାମରେ ପହଞ୍ଚି ଶୀତବସ୍ତ୍ର ,ପିନ୍ଧିବା ଲୁଗା ଓ ଶୁଖିଲା ଖାଦ୍ୟ ପ୍ରଦାନ କରିଛନ୍ତି।
