କଣ୍ଟାବାଞ୍ଜି: ମହିଳା ସ୍ନାତକ ମହାବିଦ୍ୟାଳୟରେ କଣ୍ଟାବାଞ୍ଜି ପରିସରରେ ୧୧ତମ ଅନ୍ତର୍ଜାତୀୟ ଯୋଗ ଦିବସ ମହାବିଦ୍ୟାଳୟର ଅଧ୍ୟକ୍ଷ ରାଜେନ୍ଦ୍ର ପୁରୋହିତଙ୍କ ତତ୍ୱାବଧାନରେ ପାଳିତ ହୋଇଯାଇଛି। ଏହି ଅବସରରେ ମହିଳା ସ୍ନାତକ ମହାବିଦ୍ୟାଳୟର ସମସ୍ତ କର୍ମଚାରୀ ଓ ଛାତ୍ରୀମାନେ ଉପସ୍ଥିତ ରହି ଯୋଗ ଅଭ୍ୟାସ କରିଥିଲେ। ଯୋଗ ଦିବସକୁ ସଫଳ କରିବା ପାଇଁ ମହାବିଦ୍ୟାଳୟ ପରିଚାଳନା କମିଟିର ସଭାପତି ବୃନ୍ଦାବନ ନାଗ, ପୂର୍ବତନ ସଭ୍ୟ ଦୁଃଖୀଶ୍ୟାମ ରାଏ ଉପସ୍ଥିତ ରହି ଯୋଗ ଦିବସ ପାଳନ କରାଯାଇଥିଲା। ଏହି ଅବସରରେ ଯୋଗ ଗୁରୁ ଗୋବିନ୍ଦ ଭୁଏ ମହାବିଦ୍ୟାଳୟର କର୍ମଚାରୀ ଓ ଛାତ୍ରୀମାନଙ୍କୁ ଯୋଗ ପ୍ରଶିକ୍ଷଣ ପ୍ରଦାନ କରିଥିଲେ। ଯୋଗ ଦିବସ ଉପଲକ୍ଷେ ଛାତ୍ରୀ ମାନଙ୍କର ନାମ ପଞ୍ଜିକରଣ କରାଯାଇ ପ୍ରଥମେ ଯୋଗ କାର୍ଯ୍ୟକ୍ରମକୁ ଅତିଥି ମାନଙ୍କର ଦ୍ୱାରା ଉଦଘାଟନ କରାଯାଇଥିଲା। ଏହାପରେ ମହାବିଦ୍ୟାଳୟର ଅଧ୍ୟକ୍ଷ ରାଜେନ୍ଦ୍ର ପୁରୋହିତ ଯୋଗର ମହତ୍ତ୍ୱ ବିଷୟରେ ଛାତ୍ରୀମାନଙ୍କୁ ଉଦବୋଧନ ଦେଇଥିଲେ।
Popular Categories
Previous article
Next article