ଭୁବନେଶ୍ୱର: ଅନ୍ୟ ରାଜ୍ୟ ତୁଳନାରେ ଓଡିଶାର ଋଣଭାର କମ୍ ରହିଥିବା ଅର୍ଥ ସଚିବ ଅଶୋକ ମୀନା କହିଛନ୍ତି। ରାଜ୍ୟର ଋଣଭାର ଅଧିକ ବୋଲି ଯାହା ଆକଳନ କରାଯାଉଛି ତାହା ଠିକ୍ ନୁହେଁ। ସେ କହିଛନ୍ତି, ରାଜ୍ୟର ମୋଟ ଘରୋଇ ଉତ୍ପାଦ ସର୍ବାଧିକ ୨୫ ପ୍ରତିଶତ ରହିବା ଆବଶ୍ୟକ ହୋଇଥିବା ବେଳେ ଓଡ଼ିଶାରେ ତାହା ୧୮ ପ୍ରତିଶତ ରହିଛି ବୋଲି ଅର୍ଥ ସଚିବ ଅଶୋକ ମୀନା ସ୍ପଷ୍ଟ କରିଛନ୍ତି।
ଏକ ସାମ୍ବାଦିକ ସମ୍ମିଳନୀରେ ମୀନା କହିଛନ୍ତି ଯେ ୨୦୧୯ ମାର୍ଚ୍ଚ ସୁଦ୍ଧା ରାଜ୍ୟର ଋଣ ପରିମାଣ ୮୭ହଜାର କୋଟି ଟଙ୍କାରେ ପହଞ୍ଚିଛି। ସମ୍ବଳ ସଂଗ୍ରହ ଉପରେ ଫନୀର ପ୍ରଭାବ ପଡ଼ିବ ବୋଲି ସେ କହିଛନ୍ତି। ଫନିରେ ଯେଉଁ କ୍ଷୟକ୍ଷତି ଘଟିଛି ତାହାର ମୁକାବିଲା କରିବା ସହ ପୁନରୁଦ୍ଧାର ଏବଂ ରିଲିଫ କାର୍ଯ୍ୟ ପାଇଁ ଏସଡିଆରଏଫ ଏବଂ ଏନଡିଆରଏଫ ମିଳିଥିବା ଅର୍ଥରୁ ଖର୍ଚ୍ଚ କରାଯାଉଛି। ଅର୍ଥ ବିଭାଗ ପ୍ରତି ସର୍ବଦା ଆହ୍ୱାନ ରହିଛି। ସବୁବର୍ଷ ପରି ଚଳିତ ବର୍ଷ ମଧ୍ୟ ଆମକୁ ଆହ୍ୱାନର ସମ୍ମୁଖୀନ ହେବାକୁ ପଡ଼ିବ। ବାସ୍ତବ ବଜେଟ୍ ଆଣିବା ପାଇଁ ଚେଷ୍ଟା କରାଯିବ ବୋଲି ଶ୍ରୀ ମୀନା କହିଛନ୍ତି।
Comments are closed.