ଡେସ୍କ: ଆଗାମୀ ୩ରୁ ୪ ଦିନ ଦିନ ଯାଏଁ ରାଜ୍ୟର କିଛି ଜିଲ୍ଲାରେ ଗ୍ରୀଷ୍ମପ୍ରବାହରୁ ଭୀଷଣ ଗ୍ରୀଷ୍ମପ୍ରବାହ ଲାଗି ରହିବା ସମ୍ଭାବନା ଥିବା ଭୁବନେଶ୍ୱର ପାଣିପାଗ କାର୍ଯ୍ୟାଳୟ କହିଛି। ପରବର୍ତୀ ସମୟରେ ତାପମାତ୍ରା ସାମାନ୍ୟ ହ୍ରାସ ପାଇପାରେ ବୋଲି ଅନୁମାନ କରାଯାଇଛି।
ଗତ ୨୪ ଘଣ୍ଟାରେ ସ୍ୱାଭାବିକ ଠାରୁ ଅଧିକ ତାପମାତ୍ରା ରହିଛି। ଫୁଲବାଣୀରେ ୮.୮° ଅଧିକ ତାପମାତ୍ରା ରହିଥିବା ବେଳେ ହୀରାକୁଦରେ ୭.୨°, କେନ୍ଦୁଝରରେ ୭.୧°, ବଲାଙ୍ଗୀରରେ ୬.୯°, ଝାରସୁଗୁଡାରେ ୬.୬° ଓ ସମ୍ବଲପୁରରେ ୬.୫° ରହିଛି। ସେହିପରି କୋରାପୁଟରେ ୬.୦°, ସୁନ୍ଦରଗଡରେ ୫.୯°, ଟିଟଲାଗଡରେ ୫.୫° ଓ ଭବାନୀପାଟଣାରେ ୫.୫° ତାପମାତ୍ରା ବୃଦ୍ଧି ପାଇଛି।
ଆଜି ଦିନ ୧୧ଟା ସୁଦ୍ଧା ଝାରସୁଗୁଡାରେ ସର୍ବାଧିକ ତାପମାତ୍ରା ୪୧.୮ ଡ଼ିଗ୍ରୀ ରେକର୍ଡ ହୋଇଛି। ସେ ସମୟ ମଧ୍ୟରେ କେନ୍ଦୁଝରରେ ୩୯.୨, ଭୁବନେଶ୍ୱରରେ ୩୮.୨, ସମ୍ବଲପୁରରେ ୩୭.୬, ବାଲେଶ୍ୱରରେ ୩୭.୨, ଚାନ୍ଦବାଲିରେ ୩୭, ହୀରାକୁଦରେ ୩୬.୪, ପୁରୀରେ ୩୬, ଗୋପାଳପୁରରେ ୩୫.୪ ଓ ପାରାଦୀପରେ ୩୪ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି।
