ଭୁବନେଶ୍ବର: ଓଡ଼ିଶା ଶ୍ରେଷ୍ଠ ସଂସ୍କାରବାଦୀ ରାଜ୍ୟ ଭାବେ ଟିଆଇଓଏଲ୍ ଜାତୀୟ ଟିକସ ପୁରସ୍କାର ୨୦୨୧ ଏବଂ ଜିଏସ୍ଟି/ରାଜ୍ୟ ଭାଟ ବର୍ଗରେ ସ୍ୱର୍ଣ୍ଣ ପୁରସ୍କାର ପାଇବାକୁ ମନୋନୀତ ହୋଇଛି। ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାଣିଜ୍ୟ କର ବିଭାଗକୁ ଅଭିନନ୍ଦନ ଜଣାଇଛନ୍ତି। ନାଗରିକ ଏବଂ ଟିକସଦାତାମାନଙ୍କଠାରୁ ମିଳିଥିବା ପ୍ରତିକ୍ରିୟା ଆଧାରରେ ଓଡ଼ିଶାକୁ ଚୟନ କରାଯାଇଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକାଶ କରିଛନ୍ତି।
ଶିଳ୍ପାଞ୍ଚଳ ଭିତ୍ତିଭୂମି ଏବଂ ଦକ୍ଷତା ବିକାଶ, ବୈଷୟିକ ଜ୍ଞାନକୌଶଳ ମାଧ୍ୟମରେ ନାଗରିକ ସେବା, ଇଜ୍ ଅଫ୍ ଡୁଇଂ ବିଜିନେସ୍, ଷ୍ଟାମ୍ପଡ୍ୟୁଟିର ସରଳୀକରଣ, ବାଣିଜ୍ୟ ଓ ଶିଳ୍ପକୁ ସମର୍ଥନ, ବିଦ୍ୟୁତ୍ ସଂସ୍କାର ଏବଂ ଅକ୍ଷୟଶକ୍ତିକୁ ପ୍ରୋତ୍ସାହନ ତଥା ମୁନିସିପାଲିଟି ଟିକସ ପାଇଁ ଓଡ଼ିଶା ଶ୍ରେଷ୍ଠ ସଂସ୍କାରବାଦୀ ରାଜ୍ୟ ଭାବରେ ମନୋନୀତ ହୋଇଛି ବୋଲି ମୁଖ୍ୟମନ୍ତ୍ରୀ ନବୀନ କହିଛନ୍ତି।
Congratulate @Banijyakar as #Odisha has been selected to receive TIOL National Taxation Award 2021 (Gold) as the best reformist state and Gold Award in GST/State VAT Category. Odisha has been selected based on the responses received from citizens/taxpayers. #OdishaLeads pic.twitter.com/0FYNfCajFR
— Naveen Patnaik (@Naveen_Odisha) February 7, 2022
