ଭୁବନେଶ୍ୱର : ଆସନ୍ତା ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଠାରୁ ରାଜ୍ୟ ସରକାର ନିଜସ୍ୱ ଖାଦ୍ୟ ସୁରକ୍ଷା ଯୋଜନାରେ ଯୋଗ୍ୟ ହିତାଧିକାରୀଙ୍କୁ ଖାଦ୍ୟଶସ୍ୟ ଯୋଗାଇବେ। ୨୦ଲକ୍ଷ ହିତାଧିକାରୀଙ୍କ ପାଇଁ ୫ଲକ୍ଷରୁ ଅଧିକ କାର୍ଡ ପ୍ରସ୍ତୁତ ହୋଇଛି। ଏହି ହିତାଧିକାରୀଙ୍କ ପାଇଁ ବୁଧବାର ଆବଶ୍ୟକ ଚାଉଳ ଓ ଗହମ ଆବଣ୍ଟିତ ହୋଇଛି। ରାଜ୍ୟ ସରକାର ଏକକାଳୀନ ଦୁଇମାସର ଖାଦ୍ୟଶସ୍ୟ ଦେଇଛନ୍ତି। ମୁଣ୍ଡପିଛା ମାସିକ ୫ କେଜି ହିସାବରେ ପ୍ରତି ହିତାଧିକାରୀ ଅକ୍ଟୋବର ଓ ନଭେମ୍ବର ଦୁଇମାସ ପାଇଁ ୧୦କେଜି ଲେଖାଏଁ ଖାଦ୍ୟଶସ୍ୟ ପାଇବେ।
ଜାତୀୟ ଖାଦ୍ୟ ସୁରକ୍ଷା ଆଇନରୁ ବାଦ ପଡ଼ିଥିବା ୩୪.୪୪ଲକ୍ଷ ହିତାଧିକାରୀଙ୍କୁ ନିଜସ୍ୱ ଖାଦ୍ୟ ସୁରକ୍ଷା ଯୋଜନାରେ ଖାଦ୍ୟଶସ୍ୟ ପ୍ରଦାନ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଥିଲେ। ପ୍ରଥମ ପର୍ଯ୍ୟାୟରେ ୨୫ଲକ୍ଷ ଲୋକଙ୍କୁ ଏଥିରେ ସାମିଲ କରିବା ନେଇ ଲକ୍ଷ୍ୟଧାର୍ଯ୍ୟ କରାଯାଇଥିଲା। ଆବେଦନପତ୍ର ଯାଞ୍ଚ କରାଯାଇ ବୁଧବାର ସୁଦ୍ଧା ୧୭ଲକ୍ଷ ଲୋକଙ୍କୁ ଏହି ଯୋଜନାଭୁକ୍ତ କରାଯାଇଛି। ଯାଞ୍ଚ କାର୍ଯ୍ୟ ଅବ୍ୟାହତ ଥିବାରୁ ୨ ତାରିଖ ସୁଦ୍ଧା ଅନ୍ୟୂନ ୨୦ଲକ୍ଷ ହିତାଧିକାରୀ ଏଥିରେ ସାମିଲ ହେବା ସମ୍ଭାବନା ରହିଛି ବୋଲି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।
ଗାନ୍ଧୀ ଜୟନ୍ତୀରୁ ନିଜସ୍ୱ ଖାଦ୍ୟ ସୁରକ୍ଷା ଯୋଜନା ; ଉପକୃତ ହେବେ ୨୦ଲକ୍ଷ ହିତାଧିକାରୀ
Popular Categories
Previous article
Next article