ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୨ ତମ ଜନ୍ମଜୟନ୍ତୀ ଉପଲକ୍ଷେ ଆଜି ଠାରୁ ଅକ୍ଟୋବର ଦୁଇ ପର୍ଯ୍ୟନ୍ତ ରାଜ୍ୟ ବିଜେପି ଯୁବ ମୋର୍ଚା ପକ୍ଷରୁ ସେବା ସପ୍ତାହ ପାଳନ ଉପଲକ୍ଷେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏ ଉପଲକ୍ଷେ ଅନୁଷ୍ଠିତ ଶିବିରରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୂତି ପ୍ରଧାନ, ଶତ୍ରୁଘ୍ନ ଜେନା,ରାଜ୍ୟ ଯୁବମୁର୍ଚ୍ଛା ସାଧାରଣ ସମ୍ପାଦକ ଦିପକ ଗୋଛାୟତ, ଲୋକସଭା ମଣ୍ଡଳୀ ସଂଯୋଜକ ପ୍ରେମାନନ୍ଦ ଜେନା, ରଂଜିତ ସାହୁ, କୁଆଳୋ ମଣ୍ଡଳ ସଭାପତି ଦୟାନିଧି ସାହୁ, ରସାନନ୍ଦ ଦେହୁରୀ ଏବଂ ସ୍ଥାନୀୟ ବରିଷ୍ଠ ନେତା ଓ କର୍ମୀ ଉପସ୍ଥିତ ରହି ରକ୍ତଦାନରେ ଉସ୍ଛାହିତ କରିଥିଲେ । ଏହି ଶିବିରରେ ଢେଙ୍କାନାଳ ରକ୍ତ ଭଣ୍ଡାର ଡାକ୍ତର ଜୟନାରାୟଣ ପାଢ଼ୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଲବରୋଟାରି ଟେକନିସିଆନ ପରମାନନ୍ଦ ପଣ୍ଡା, ରାକେଶ କୁମାର ବେହେରା,ତପନ ଜେନା, ଅଜୟ ସ୍ୱାଇଁ ପ୍ରମୁଖ ୭୮ୟୁନିଟ ରକ୍ତ ସଂଗ୍ରହ କରିଥିଲେ । ଏହି କାର୍ଯ୍ୟକ୍ରମ ମଧ୍ୟରେ ଉପଖଣ୍ତ ଡାକ୍ତରଖାନାରେ ଫଳ ବଣ୍ଟନ କରାଯାଇଥିଲା । ଏହି ସେବା ସପ୍ତାହ ପାଳନ ଲକ୍ଷେ ଆଗାମୀ ଅକ୍ଟୋବର ଦୁଇ ଗାନ୍ଧୀ ଜୟନ୍ତୀ ପର୍ଯ୍ୟନ୍ତ ପ୍ରତ୍ୟେକ ଦିନ ରକ୍ତଦାନ, ବୃକ୍ଷରୋପଣ, ସ୍ଵଛଭାରତ, ରୋଗୀଙ୍କୁ ଫଳ ବଣ୍ଟନ ଭଳି ଗୋଟିଏ ଲେଖାଏଁ ସେବା କାର୍ଯ୍ୟ କରାଯିବ ବୋଲି ଉପସ୍ଥିତି ବିଜେପି ନେତା ସୂଚନା ଦେଇଛନ୍ତି।
Popular Categories
Previous article
Next article