ଗୁଣୁପୁର – ଦିନକ ପରେ ସାରା ରାଜ୍ୟରେ ପାଳିତ ହେବାକୁ ଯାଉଛି ଉତ୍କଳ ଦିବସ । ଓଡ଼ିଶାର ପ୍ରାଚୀନ ଅସ୍ମିତାର ଅପୂର୍ବ ନିଦର୍ଶନ ଓ ଓଡ଼ିଆ ଭାଷାର ଗୁଣ ଗାରିମା ବଖାଣିବା ରେ ସାରା ରାଜ୍ୟରେ ଉତ୍ସବ ପାଳିତ ହେବ । ହେଲେ ଉପାନ୍ତରେ ଆଜିବି ଅବହେଳିତ ଓଡ଼ିଆ ଭାଷା ।
ସରକାରୀ ଓ ବେସରକାରୀ ଅନୁଷ୍ଠାନ ମାନଙ୍କରେ ଅତି କଦର୍ଥ ଭାବେ ଓଡ଼ିଆ ଭାଷା କୁ ପ୍ରୟୋଗ କରାଯାଇଛି । ବିଭିନ୍ନ ବିଦ୍ୟାଳୟ ମାନଙ୍କରେ ନୂଆ ପ୍ରବେଶ ପାଇଁ ଦିଆଯାଉଥିବା ଆବେଦନ ପତ୍ର ଗୁଡ଼ିକ ରେ ବିକୃତ ଓଡ଼ିଆ ଭାଷା ବ୍ୟବହାର କରାଯାଉଛି । ଛାତ୍ରଛାତ୍ରୀ ହୁଅନ୍ତୁ କି ଶିକ୍ଷକ ଶିକ୍ଷୟିତ୍ରୀ, ସରକାରୀ ଅଧିକାରୀ ଓଡ଼ିଆ ଭାଷାକୁ ସଠିକ ଉଚ୍ଚାରଣ ଓ ଲେଖିବା ଯେପରି କାଠିକର ପାଠ ହୋଇ ପଡ଼ିଛି । ବିଭିନ୍ନ ସରକାରୀ କାର୍ଯ୍ୟାଳୟ ରେ ଓଡ଼ିଆ ରେ ଚିଠିପତ୍ର ଆଦାନ ପ୍ରଦାନ କରିବା ପାଇଁ ନିୟମ ରହିଥିବା ବେଳେ ଏହାକୁ ଖୋଲାଖୋଲି ଉଲଂଘନ କରାଯାଇ ଇଂରାଜୀ ଭାଷାର ବ୍ୟବହାର କରାଯାଉଛି । ଆଉ ଇଂରାଜୀ ମାଧ୍ୟମ ବିଦ୍ୟାଳୟ ଗୁଡ଼ିକ କଥା ତ ନ କହିବା ଭଲ ।
ସତେ ଯେପରି ଏମାନେ ଓଡ଼ିଶାର ନୁହଁନ୍ତି । କେଉଁ ବିଦେଶରୁ ଆସିଥିବା ଭଳି ବ୍ୟବହାର ଅତ୍ୟନ୍ତ ଦୁଃଖଦ ଘଟଣା । ନିଜର ମାତୃଭାଷା ଓ ମାତୃଭୂମିର ମୋହ ସତେଯେମିତି ଏମାନଙ୍କ ପାଖରେ ନାହିଁ । ତେଣୁ ଏଥିପ୍ରତି ରାଜ୍ୟ ସରକାର କଡାକଡି ପଦକ୍ଷେପ ନେବା ଆବଶ୍ୟକ ମନେହୁଏ । ନଚେତ ଉପାନ୍ତରେ ଓଡ଼ିଆ ଭାଷା କେତେବେଳେ ଯେ ଲୋପ ପାଇଯିବ କିଏ ଜାଣେ !
Comments are closed.