ନୂଆଦିଲ୍ଲୀ: ରେଳ ଦୁର୍ଘଟଣାଜନିତ ମୃତ୍ୟୁସଂଖ୍ୟା ଗତ ପାଞ୍ଚ ବର୍ଷ ଭିତରେ ଶତକଡ଼ା ୮୧ ଭାଗ ହ୍ରାସ ପାଇଥିବା ଜଣାପଡିଛି। ରେଳ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଯାତ୍ରୀମାନଙ୍କର ସୁରକ୍ଷା ଓ ନିରାପତ୍ତାକୁ ରେଳବାଇ ଅଗ୍ରାଧିକାର ଦେଉଛି। ରେଳବାଇର ପାଞ୍ଚ ବର୍ଷର ସଫଳତା ଉପରେ ଏକ ପୁସ୍ତକ ଉନ୍ମୋଚନ କରି ରେଳମନ୍ତ୍ରୀ ପୀୟୁଷ ଗୋୟଲ୍ କହିଛନ୍ତି, ଦୁର୍ଘଟଣା ସଂଖ୍ୟା ଶୂନ୍ୟକୁ ଆଣିବାପାଇଁ ରେଳବାଇ ପ୍ରତିଶ୍ରୁତିବଦ୍ଧ ଏବଂ ଏଥିପାଇଁ ବ୍ରଡଗେଜ୍ ନେଟ୍ୱର୍କର ସମସ୍ତ ମାନବବିହୀନ ଲେବଲ୍ କ୍ରସିଂ ହଟାଯାଇଛି। ସେ କହିଛନ୍ତି, ବ୍ରଡଗେଜ୍ ରେଳ ଲାଇନର ୧୦୦ ଭାଗ ବିଦ୍ୟୁତିକରଣ କାର୍ଯ୍ୟ ଚାଲିଛି। ବିଜେପି ରେଳବାଇ କ୍ଷେତ୍ରରେ ଯେଉଁ ବିକାଶ ପାଇଁ ଘୋଷଣା କରିଥିଲା ତାହା ସେ ପୂରଣ କରି ପାରିଛି ବୋଲି ସେ କହିଛନ୍ତି।