ନବରାତ୍ରୀରେ ଅର୍ଡର କଲେ ଭେଜ୍ ବିରିୟାନୀ, କିନ୍ତୁ ଆସିଲା ଚିକେନ୍ ବିରିୟାନୀ, ଭିଡିଓ ଭାଇରାଲ୍..
ନୂଆଦିଲ୍ଲୀ : ନୋଏଡାରେ ଜଣେ ମହିଳା ନବରାତ୍ରୀ ସମୟରେ ଭେଜ୍ ବିରିୟାନୀ ଅର୍ଡର କରିଥିଲେ । ମାତ୍ର ଭେଜ୍ ବଦଳରେ ଆସିଥିଲା ଚିକେନ୍ ବିରିୟାନୀ । ଏହି ଘଟଣା ପରେ ଉତ୍ତରପ୍ରଦେଶ ପୁଲିସ ଏକ ରେସ୍ତୋରାଁର କର୍ମଚାରୀଙ୍କ ବିରୁଦ୍ଧରେ ମାମଲା ରୁଜୁ ପରେ ତଦନ୍ତ ଆରମ୍ଭ କରିଛି । ଏହି ଘଟଣା ୪ ଏପ୍ରିଲରେ ଘଟିବା ସହ ସୋସିଆଲ ମିଡିଆରେ ବେଶ ଭାଇରାଲ୍ ହୋଇଥିଲା । ମହିଳାଙ୍କ ନାମ ଛାୟା ଶର୍ମା । ମହିଳା ଜଣକ ଭିଡିଓ ମାଧ୍ୟମରେ କହିଥିଲେ, ସେ ସମ୍ପୂର୍ଣ୍ଣ ନିରାମିଷ ଖାଦ୍ୟ ସେବନ କରନ୍ତି । ଭେଜ୍ ବିରିୟାନୀ ଅର୍ଡର କରିଥିଲେ, ମାତ୍ର ଘରକୁ ଚିକେନ୍ ବିରିୟାନୀ ଆସିଥିଲା । ସେ ଭୁଲ୍ ବଶତଃ ୨ ରୁ ୩ ଚାମଚ ମଧ୍ୟ ବିରିୟାନୀ ଖାଇଦେଇଛନ୍ତି । କିଛି ସମୟ ପରେ ସେଥିରେ ଚିକେନ୍ ଥିବା ସେ ଜାଣି ପାରିଲେ ।
ଘଟଣା ପରେ ସେ ଖାଦ୍ୟ ଅର୍ଡର କରିଥିବା ରେସ୍ତୋରାଁକୁ କଲ୍ କରିଥିଲେ । ମାତ୍ର ରେସ୍ତୋରାଁ ବନ୍ଦ ହୋଇ ସାରିଥିଲା । ତାଙ୍କ ଫୋନ୍ର କେହି ଉତ୍ତର ଦେଇନଥିଲେ । ନବରାତ୍ରୀ ସମୟରେ ଏଭଳି ହୋଇଥିବାରୁ ଲୋକେ ଭିଡିଓ ଦେଖି ଅସନ୍ତୁଷ୍ଟ ପ୍ରକାଶ କରିବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
ଉତ୍ତରପ୍ରଦେଶ ପୁଲିସ ମାମଲାକୁ ଗମ୍ଭୀରତାର ସହ ନେଇଛି । ରେସ୍ତୋରାଁ କର୍ମଚାରୀଙ୍କୁ ଘଟଣା ବିଷୟରେ ପଚରାଉଚରା କରି ତଦନ୍ତ ଜାରି ରଖିଛି । ରେସ୍ତୋରାଁ ପକ୍ଷରୁ କୌଣସି ଜବାବ ମିଳି ନାହିଁ ।
Pay Online
Comments are closed.