ନୂଆଦିଲ୍ଳୀ: ଗତ ୭୦ ଦିନ ହେଲା ୟୁକ୍ରେନ୍ ଓ ରୁଷିଆ ମଧ୍ୟରେ ଯୁଦ୍ଧ ଜାରି ରହିଛି । ଉଭୟ ଦେଶ ମଧ୍ୟରେ ଯୁଦ୍ଧ ବନ୍ଦ ହେବାକୁ ନେଇ କୌଣସି ସମାଧାନର ସୂତ୍ର ବାହାରିପାରୁନାହିଁ । ଏହାରି ଭିତରେ ରୁଷିଆ ୟୁକ୍ରେନ୍ ଉପରକୁ ପରମାଣୁ ପକାଇବାକୁ ଚିନ୍ତା କରୁଥିବା କହିଛି । ରୁଷର କହିବା ଅନୁସାରେ ତାଙ୍କର ସନ୍ୟ ଏଥିପାଇଁ ପ୍ରସ୍ତୁତ ହେଉଛନ୍ତି । ଫେବ୍ରୁଆରୀ ୨୪ରେ ରୁଷ ୟୁକ୍ରେନ୍ ଉପରେ ଆକ୍ରମଣ କରିବା ପରେ ଉଭୟ ଦେଶଙ୍କ ମଧ୍ୟରେ ଯୁଦ୍ଧ ଜାରି ରହିଛି । ଫଳରେ ହଜାର ହଜାର ଲୋକଙ୍କ ମୃତ୍ୟୁ ହୋଇସାରିଲାଣି ।
ୟୁକ୍ରେନବାସୀ ମଧ୍ୟ ଦେଶ ଛାଡ଼ିଥିବା ଖବର ଆସିଛି । ଦ୍ୱିତୀୟ ବିଶ୍ୱଯୁଦ୍ଧ ପରେ ବିସ୍ଥାପିତଙ୍କ ସଂଖ୍ୟା ସର୍ବାଧିକ ବୋଲି କୁହାଯାଉଛି । ରୁଷର ପ୍ରତିରକ୍ଷା ମନ୍ତ୍ରଣାଳୟର ସୂଚନା ଅନୁଯାୟୀ, ୟୁକ୍ରେନର ସୈନ୍ୟବାହିନୀ କ୍ଷେପଣାସ୍ତ୍ର ପ୍ରଣାଳୀ, ଏୟାରଫିଲ୍ଡ ଏବଂ ସୁରକ୍ଷିତ କ୍ଷେପଣାସ୍ତ୍ର ଭିତ୍ତିଭୂମି ଭଳି ଟାର୍ଗେଟରେ ଏକାଧିକ ସ୍ଥାନରେ ଅକ୍ରମଣ କରିଥିଲେ ।
ଏପରି ସମୟରେ ରୁଷ ପରୋକ୍ଷରେ ବାରମ୍ବାର ୟୁକ୍ରେନକୁ ଆଣବିକ ଆକ୍ରମଣର ଚେତାବନୀ ଦେଉଛି । ଯାହାକୁ ନେଇ ବର୍ତ୍ତମାନ ଯୁଦ୍ଧ ଆହୁରି ତୀବ୍ର ହେବାନେଇ ଅନୁମାନ କରାଯାଉଛି ।
