ସିଓଲ .- ଉତ୍ତରକୋରିଆ ନିକଟରେ ୬୦ଟି ପରମାଣୁ ଅସ୍ତ୍ର ରହିଥିବା କଥା ଦକ୍ଷିଣ କୋରିଆ କହିଛି । ଦକ୍ଷିଣ କୋରିଆର ଏକତ୍ରୀ କରଣ ମନ୍ତ୍ରି ଚୋ ମ୍ୟୁଓଉଙ୍ଗ-ଗ୍ୟୋନ୍ କହିଛନ୍ତି । ଦକ୍ଷିଣ କୋରିଆର ସଂସଦରେ ସେ ଏ ବିଷୟରେ ଘୋଷଣା କରିଛନ୍ତି । ଗୁଇନ୍ଦା ରିପୋର୍ଟ ଆଧାରରେ ସେ ଏହି କଥା କହିଛନ୍ତି ।
ହେଲେ ଦକ୍ଷିଣ କୋରିଆ ଉତ୍ତର କୋରିଆକୁ ପରମାଣୁ ଶକ୍ତି ଭାବେ ବିବେଚନା କରୁ ନାହିଁ ବୋଲି ସେ ସୂଚନା ଦେଇଛନ୍ତି । ଉତ୍ତର କୋରିଆକୁ ନିରସ୍ତ୍ର କରିବା ପାଇଁ ସମସ୍ତ ପଦକ୍ଷେପ ଗ୍ରହଣ କରାଯିବ ବୋଲି ଚୋ ମ୍ୟୁଓଉଙ୍ଗ-ଗ୍ୟୋନ୍ କହିଛନ୍ତି ।
