ନୂଆଦିଲ୍ଲୀ : ସ୍ମାର୍ଟଫୋନ୍ ନିର୍ମାତା କମ୍ପାନୀ ନୋକିଆ ଗ୍ରାହକଙ୍କ ପାଇଁ ନୂଆ ଉପହାର ନେଇଆସିଛି । କମ୍ପାନୀର ଲୋକପ୍ରିୟ ଫୋନ୍ ନୋକିଆ ୩୨୧୦ ପୁଣି ବଜାରକୁ ଫେରିଛି । ନୋକିଆ ଫୋନ୍ ପ୍ରସ୍ତୁତ କରୁଥିବା ଏଚଏମଡି ଗ୍ଲୋବାଲ ଏହି ଫୋନକୁ ପୁଣି ଆଣିଛି । ଏବେ ଏହି ସ୍ମାର୍ଟଫୋନ୍ ନୂଆ ଫିଚର୍ସ ସହିତ ଆସିଛି । ଏଥର ଫୋନରେ ୟୁଟ୍ୟୁବ୍, ୟୁପିଆଇ ପେମେଣ୍ଟ ଭଳି ଅନେକ ନୂଆ ଫିଚର୍ସ ସାମିଲ ହୋଇଛି । ଏହି ଫୋନରେ ୨.୪ ଇଞ୍ଚର ସ୍କ୍ରିନ୍ ରହିଛି ଏବଂ ଏହା ୟୁନିସୋକ୍ ଟି୧୦୭ ପ୍ରୋସେସର ସହିତ ଚାଲିବ ।
ନୂଆ ନୋକିଆ ୩୨୧୦ ୪ଜିର ଦାମ୍ ୩,୯୯୯ ଟଙ୍କା ରହିଛି । ଏହାକୁ ଆପଣ ଏଚଏମଡିର ଅଫିସିଆଲ ଓ୍ବେବସାଇଟ୍ ଏବଂ ଆମାଜନ ଭଳି ଅନଲାଇନ୍ ସପିଂ ଓ୍ବେବସାଇଟରୁ କିଣିପାରିବେ । ଫୋନ୍ ୩ଟି ରଙ୍ଗର ବିକଳ୍ପ ସହିତ ବଜାରକୁ ଆସିବ । ଏଥିରେ ଲୋକପ୍ରିୟ ସାପ ଗେମ୍ ମିଳିବ । ଫୋନରେ ୪ଜି କନେକ୍ଟିଭିଟି ଏବଂ ୨.୪ ଇଞ୍ଚର ଟିଏଫଟି ଏଲସିଡି ସ୍କ୍ରିନ୍ ମିଳିବ । ୬୪ ଏମବି ରାମ୍ ସହିତ ୧୨୮ ଏମବି ଷ୍ଟୋରେଜ୍ ମିଳିବ । ଗ୍ରାହକ ମେମୋରୀ କାର୍ଡ ଦ୍ବାରା ଏହାକୁ ୩୨ ଜିବି ପର୍ଯ୍ୟନ୍ତ ବଢାଇ ପାରିବେ । ଫୋନରେ ଏକ ୨ ଏମପିର କ୍ୟାମେରା ରହିଛି । କ୍ୟାମେରା ସହିତ ଏକ ଏଲଇଡି ଫ୍ଲାଶ୍ ମଧ୍ୟ ରହିଛି । ତେବେ ଖାସ୍ କଥା ହେଉଛି ଏଥିରେ ୟୁପିଆଇ ପୈଠ କରିପାରିବେ ଗ୍ରାହକ । ଏହା ସହିତ ଫୋନରେ ୟୁଟ୍ୟୁବ୍ ମାଧ୍ୟମରେ ଭିଡିଓ ମଧ୍ୟ ଦେଖିପାରିବେ ଉପଭୋକ୍ତା ।
Comments are closed.