ନୂଆଦିଲ୍ଲୀ : ଲୋକସଭା ନିର୍ବାଚନ ଫଳାଫଳ ଆସିବା ପରେ ସରକାର ଗଠନ ପ୍ରକ୍ରିୟା ଗତି ଧରିଛି । ଲୋକସଭା ନିର୍ବାଚନରେ ଏନଡିଏର ବିଜୟ ପରେ ମେଣ୍ଟରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଗୁରୁତ୍ବ ବଢିଯାଇଛି । ଦଳୀୟ କର୍ମୀଙ୍କ ମଧ୍ୟରେ ଉତ୍ସାହ ବଢିଯାଇଛି । ଏହା ମଧ୍ୟରେ ନୀତିଶ କୁମାରଙ୍କ ଏକ ମଜାଦାର ପୋଷ୍ଟର ଦେଖିବାକୁ ମିଳିଛି ।
ପାଟଣାରେ ଲାଗିଥିବା ନୀତିଶ କୁମାରଙ୍କ ଏହି ପୋଷ୍ଟର ଏବେ ଚର୍ଚ୍ଚାରେ । ଏହି ପୋଷ୍ଟର ପାଟଣା ଥାନା ସାମ୍ନା ଛକରେ ଲାଗିଛି । ଏଥିରେ ୨ଟି ସିଂହଙ୍କ ମଧ୍ୟରେ ନୀତିଶ କୁମାରଙ୍କ ଫଟୋ ଲାଗିଛି । ଏହା ସହିତ ପୋଷ୍ଟରରେ ଲେଖାଯାଇଛି କି ଟାଇଗର ଜିନ୍ଦା ହୈ । କେନ୍ଦ୍ର ରାଜନୀତିରେ ନୀତିଶ କୁମାରଙ୍କ ଭୂମିକାକୁ ଏହା ଇଶାରା କରୁଛି ।
କହିରଖୁଛୁ ଲୋକସଭା ନିର୍ବାଚନ ଫଳାଫଳ ପରେ ନୀତିଶ କୁମାର ଓ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ କିଙ୍ଗମେକର ହୋଇ ଉଭା ହୋଇଛନ୍ତି । ଏନଡିଏକୁ ୫୪୩ ରୁ ୨୯୩ ଆସନ ମିଳିଛି ଏବଂ ଇଣ୍ଡି ମେଣ୍ଟକୁ ୨୩୩ ଆସନ ମିଳିଛି । ବିଜେପିକୁ ୨୪୦ ଆସନ ସହିତ ବହୁମତ ମିଳିଛି କିନ୍ତୁ ୨୭୨ ଛୁଇଁଥିଲେ ଦଳ ନିଜ ଦମ ବଳରେ ସରକାର ଗଢିଥାନ୍ତା ।
