ଭୁବନେଶ୍ୱର : ୨୦୧୯ର ସାଧାରଣ ନିର୍ବାଚନର ଫଳାଫଳ ରାଜ୍ୟ କଂଗ୍ରେସକୁ ଦୋହଲାଇ ଦେଇଛି । ରାଜ୍ୟରେ ନେତୃତ୍ଵ ନେବାରେ ବିଫଳ ହେବା ପରେ ପିସିସି ସଭାପତି ପଦରୁ ନିରଞ୍ଜନ ପଟ୍ଟନାୟକ ଶୁକ୍ରବାର ଇସ୍ତଫା ଦେଇଛନ୍ତି । ସେ ତାଙ୍କ ଇସ୍ତଫା ପତ୍ର ଏଆଇସିସି ଅଧ୍ୟକ୍ଷଙ୍କ ନିକଟକୁ ପଠାଇ ଦେଇଛନ୍ତି । ନୈତିକତା ଦୃଷ୍ଟିରୁ ଇସ୍ତଫା ଦେଇଥିବା ସେ କହିଛନ୍ତି । ରାଜ୍ୟରେ କଂଗ୍ରେସର ଶୋଚନୀୟ ପରାଜୟ ପାଇଁ ନିଜକୁ ଦାୟୀ କରି ଇସ୍ତଫା ଦେଇଛନ୍ତି ବୋଲି ସମ୍ବାଦିକ ସମ୍ମିଳନୀରେ ନିରଞ୍ଜନ ପଟ୍ଟନାୟକ କହିଛନ୍ତି ।
ନିରଞ୍ଜନ କହିଛନ୍ତି, ସାରା ଦେଶରେ ମୋଦୀ ବାତ୍ୟା ପ୍ରବାହିତ ହେଲା, ଆମେ ଟଳି ପଡିଲୁ । ରାଜ୍ୟରେ ନବୀନ ଓ ଦେଶରେ ମୋଦୀଙ୍କୁ ଲୋକେ ଭରସା କଲେ । ରାଜନୀତିରେ ନୀତି ଓ ଆଦର୍ଶ ନାହିଁ , ବ୍ୟବସାୟୀକରଣ ହୋଇଛି । ନୀତି, ଆଦର୍ଶବାନ ନେତୃତ୍ବ ପାଇଁ ଯୁବପିଢିଙ୍କୁ ନିରଞ୍ଜନ ଆହ୍ବନ ଦେଇଛନ୍ତି । ମୁଁ କଂଗ୍ରେସରେ ରହିଛି, ରହିବି । ଦଳକୁ ମଜଭୁତ କରିବି ବୋଲି ଗଣମାଧ୍ୟମରେ ନିରଞ୍ଜନ ପଟ୍ଟନାୟକ କହିଛନ୍ତି ।
Comments are closed.