ପାଟଣା: କେନ୍ଦୁଝର ଜିଲ୍ଲା ସାହାରପଡା ମୁଖ୍ୟାଳୟ ରାହାସ ପୂଜା ମଣ୍ଡପରେ କେଉଁ କାଳରୁ ରାଧାକୃଷ୍ଣ ପୂଜା ପାଇ ଆସୁଛନ୍ତି। ରବିବାର ସଂଧ୍ୟା ସମୟରେ ପ୍ରଧାନସାହି ନିକଟ ପୋଖରୀରୁ ୭ ଟି ଘଟ ପୂଜା ହୋଇ ପୂଜା ମଣ୍ଡପକୁ ଅଣାଯାଇ ବିଧିବଦ୍ଧ ଭାବେ ପୁରୋହିତ ଅଜୟ ଦାଶ ଏବଂ କର୍ତ୍ତା ଭାବେ ଜମ୍ବେଶ୍ୱର ଦାସ ପୂଜା କାର୍ଯ୍ୟ କରିଥିଲେ। ଏହି ପୂଜା ୩ ଦିନ ଧରି ନିରାଡମ୍ବର ଭାବେ ଚାଲିଥିଲା। ସକାଳ ଓ ସଂଧ୍ୟା ସମୟରେ ପ୍ରତେକ ଦିନ ରାଧାକୃଷ୍ଣଙ୍କୁ ଶ୍ରଦ୍ଧାଳୁ ଦର୍ଶନ କରୁଛନ୍ତି। କମିଟି ପକ୍ଷରୁ ପ୍ରତେକ ଦିନ ଶ୍ରଦ୍ଧାଳୁ ମାନଙ୍କ ପାଇଁ ଖିଚୁଡ଼ି ଓ ତରକାରୀ ବଣ୍ଟନ ବ୍ୟବସ୍ଥା କରାଯାଇଛି। ଏହି ପୂଜା ଉପଲକ୍ଷେ ଲୋକ ମାନଙ୍କ ପାଇଁ ମନୋରଞ୍ଜନ କାର୍ଯ୍ୟକ୍ରମରେ ସିଂହବାହିନୀ ଅପେରା ୩ ଦିନ ହେବାକୁ ଯାଉଛି। ମଙ୍ଗଳବାର ଦିନ ଆରମ୍ଭ ହୋଇ ଗୁରୁବାର ଦିନ ଶେଷ ହେବାକୁ ଥିବା ବେଳେ ମିନା ବଜାର ରେ ଲୋକଙ୍କ ଗହଳି ଆରମ୍ଭ ହୋଇଯାଇଛି। ତେବେ ଏହି ବର୍ଷ ସଭାପତି ଭାବେ ଦୟାନିଧି ମହାନ୍ତ ଏବଂ ସମ୍ପାଦକ ଭାବେ ଜଗଦୀଶ ମହାନ୍ତ ପୂଜା କାର୍ଯ୍ୟ ଦାୟିତ୍ୱ ଗ୍ରହଣ କରିଥିବା ବେଳେ ଯୋଗେଶ୍ୱର ଲେୟାଙ୍ଗି, ହିମାଂଶୁ ଶେଖର ଦିଗାର, ପ୍ରଭାକର ପାତ୍ର, ମନରଞ୍ଜନ ଦିଗାର, କୃଷ୍ଣ ଚନ୍ଦ୍ର ବେହେରା, ପ୍ରଦୀପ କୁମାର ମହାନ୍ତ ଏବଂ କମିଟିର ଅନ୍ୟ ସଦସ୍ୟ ମାନେ ସମ୍ପୂର୍ଣ ସହଯୋଗ କରୁଥିବା ବେଳେ ଉପଦେଷ୍ଟା ଭାବେ କଳ୍ପତରୁ ମିଶ୍ର, ଗୌରହରି ଦାସ, ଦୈତାରୀ ମହାନ୍ତ ପ୍ରମୁଖଙ୍କ ଉପସ୍ଥିତିରେ ଜାକଜମକରେ ରାହାସ ପୂଜା ଅନୁଷ୍ଠିତ ହେଉଛି।
Popular Categories
Previous article
Next article