ଝାରସୁଗୁଡ଼ା : ଝାରସୁଗୁଡ଼ା ଜିଲା ସଦର ହସ୍ପିଟାଲରେ ସୋମବାର ଉତ୍ତେଜନା ସହ ଡ଼ାକ୍ତରଙ୍କୁ ମାଡ଼ ହୋଇଥିବା ଅଭିଯୋଗ ହୋଇଛି। ସୂଚନା ଯୋଗ୍ୟ, ସମ୍ବଲପୁର ଜିଲା ରେଙ୍ଗାଲି ଠାରେ ସଡ଼କ ଦୁର୍ଘଟଣାରେ ଉମେଶ ଶର୍ମା ନାମକ ଜଣେ ଯୁବକ ଗୁରୁତର ଆହତ ହୋଇଥିଲେ। ଚିକିତ୍ସା ନିମନ୍ତେ ତାଙ୍କୁ ଝାରସୁଗୁଡ଼ା ଜିଲା ସଦର ହସ୍ପିଟାଲକୁ ଅଣାଯାଇଥିଲା। ହସ୍ପିଟାଲରେ ଚିକିତ୍ସା ପାଇଁ ବିଳମ୍ବ ହେବାରୁ ଉମେଶଙ୍କର ମୃତ୍ୟୁ ଘଟିଥିବା ତାଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି। ଅନ୍ୟ ପକ୍ଷରେ ଉମେଶଙ୍କୁ ଚିକିତ୍ସା କରିଥିବା ଡ଼ାକ୍ତରଙ୍କୁ ଆକ୍ରମଣ କରିବା ସହିତ ତାଙ୍କ ଅବହେଳା ହେତୁ ଜଣଙ୍କର ମୃତ୍ୟୁ ହୋଇଥିବା ନେଇ ହସ୍ପିଟାଲରେ ଉତ୍ତେଜନା ସୃଷ୍ଟି ହୋଇଛି। ଖବର ପାଇବା ପରେ ଝାରସୁଗୁଡ଼ା ପୁଲିସ ପହଞ୍ଚି ଉତ୍ତେଜନାକୁ ଶାନ୍ତ କରିବା ସହିତ ଡ଼ାକ୍ତରଙ୍କୁ ମାଡ଼ ଅଭିଯୋଗରେ ତିନି ଜଣଙ୍କୁ ଅଟକ ରଖିଛି।
Comments are closed.