ଟ୍ରକ ସହ ଧକ୍କା ପରେ କାରରେ ଲାଗିଲା ନିଆଁ ; ୩ ମୃତ

ପାନିପତ୍‍ : ପାନିପତର ଇମରାନାରେ ଶୁକ୍ରବାର ଅପରାହ୍ନରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ଶିଶୁ ସମେତ ୩ ଜଣ ଜୀବନ୍ତ ଦଗ୍ଧ ହୋଇଛନ୍ତି। ପାନିପତ୍‍ ରୋହତକ ଜାତୀୟ ରାଜପଥ ଇସରାନା ନିକଟରେ ଟ୍ରକ ସହ ଧକ୍କା ହେବା ପରେ କାରରେ ନିଆଁ ଲାଗି ଯାଇଥିଲା। ଦୁର୍ଘଟଣାରେ କାରରେ ଥିବା ୮ ବର୍ଷର ଶିଶୁ ସମେତ ତିନି ଜଣ କାର ଭିତରେ ଜୀବନ୍ତ ଦଗ୍ଧ ହୋଇଛନ୍ତି।
ମିଳିଥିବା ସୂଚନାନୁଯାୟୀ, ରାସ୍ତାରେ ଟ୍ରକ ସହ କାର ପଛପଟୁ ଧକ୍କା ହେବା ପରେ କାରରେ ନିଆଁ ଲାଗି ଯାଇଥିଲା। ଘଟଣା ମାତ୍ରେ ଘଟଣା ସ୍ଥଳରେ ଚିତ୍କାର ଶୁଣା ଯାଇଥିଲା। ସ୍ଥାନୀୟ ଲୋକେ , ପୁଲିସ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁୂ ଆୟତ୍ତ କରିବା ସହ ସଭିଁଙ୍କୁ ଉଦ୍ଧାର କରିଥିଲେ। କାରର କାଚ ଭାଙ୍ଗି ସଭିଁଙ୍କୁ ଉଦ୍ଧାର ସହ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି। ପୁଲିସ କାରକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି।

 

Comments are closed.