ଉତ୍ତରକାଶୀ: ଉତ୍ତରକାଶୀ ଯମୁନା ଘାଟିର ରାଜଗଡ଼ ନିକଟରେ ଏକ ଗାଡ଼ି ଖାତକୁ ଖସିପଡ଼ି ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଗାଡ଼ି ଚାଳକଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି। ମୃତକ ହେଉଛନ୍ତି ଦିନେଶ ତିୱାରୀ(୨୮)। ସେ ବାଗେଶ୍ୱର ଅଞ୍ଚଳର ବୋଲି ଜଣାପଡ଼ିଛି। ସମସ୍ତ ଆହତଙ୍କୁ ନିକଟରେ ଥିବା ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନାଯୋଗ୍ୟ, ବୁଧବାର ସନ୍ଧ୍ୟା ସମୟରେ ଜୋଶୀମଠ ନିକଟରେ ଏକ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ଚାଳକଙ୍କ ମୃତ୍ୟୁ ହେବା ସହ ଗାଡ଼ିରେ ଥିବା ଅନ୍ୟ ୩ ଜଣ ଶ୍ରମିକ ଆହତ ହେଇଥିଲେ। ଉକ୍ତ ଗାଡ଼ିଟି ବଦ୍ରିନାଥ ମାଣାଠାରୁ ପିପଲକୋଟୀ ଆସୁଥିଲା। ମାତ୍ର ଜୋଶୀମଠ ପେଟ୍ରୋଲ ପମ୍ପ ନିକଟରେ ସନ୍ଧ୍ୟା ସମୟରେ ଗାଡ଼ିଟି ନିୟନ୍ତ୍ରଣ ହରାଇ ପ୍ରାୟ ୩୦ ମିଟର ଗଭୀର ଖାତ ମଧ୍ୟକୁ ଓଲଟି ପଡ଼ିଥିଲା। ଖବର ପାଇ ପୁଲିସ ଆହତଙ୍କୁ ଉଦ୍ଧାର କରିବା ସହ ଘଟଣାର ତଦନ୍ତ କରିଥିଲା।
Comments are closed.