ପାରାଦୀପ : ଜଗତସିଂହପୁର ଜିଲା ପାରାଦୀପ କୁଜଙ୍ଗ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଡ଼୍ରାମା ଚାଲିଥିବା ବେଳେ ଦୁଇ ଗୋଷ୍ଠୀ ହାତାହାତି ହୋଇ ହୋଇଛନ୍ତି। ସୂଚନା ଅନୁଯାୟୀ, ବୁଧବାର ବିଳମ୍ବିତ କୁଜଙ୍ଗ ସାହାଡ଼ିଆ ଅଞ୍ଚଳରେ ଏକ ଡ଼୍ରାମା ଆୟୋଜନ ହୋଇଥିଲା। ସେହି ସମୟରେ କୌଣସି କାରଣରୁ ସେଠାରେ ଉପସ୍ଥିତ ଥିବା ଦୁଇ ଗୋଷ୍ଠୀଙ୍କ ମଧ୍ୟରେ ବଚସା ହୋଇଥିଲା। ଏହାପରେ ଗୋଟିଏ ପକ୍ଷରୁ କିଛି ବ୍ୟକ୍ତି ଅନ୍ୟ ପକ୍ଷକୁ ଆକ୍ରମଣ କରିଥିଲେ। ଫଳରେ ଦୁଇପକ୍ଷ ମଧ୍ୟରେ ଝଗଡ଼ା ହୋଇଥିଲା। ଏଥିରେ ୪ ଜଣ ଆହତ ହୋଇଥିବା ବେଳେ ୨ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ କଟକ ମେଡ଼ିକାଲରେ ଭର୍ତ୍ତି କରାଯାଇଛି। ପୁଲିସ ଏହି ଗଣ୍ଡଗୋଳ ପାଇଁ ଡ଼୍ରାମାକୁ ଅଧାରୁ ବନ୍ଦ କରିବା ସହ ଜଣଙ୍କୁ ଅଟକ ରଖି ପଚରାଉଚରା କରୁଛି। ବଚସା ହୋଇଥିବା ଦୁଇ ଗୋଷ୍ଠୀ ଭିନ୍ନ ଭିନ୍ନ ରାଜନୈତିକ ଦଳର ହୋଇଥିବାରୁ ଏହି ଘଟଣା ଘଟିଥିବା ଜଣାପଡ଼ିଛି।
